13:45, 04 - قىركۇيەك 2015 | GMT +6
حالىقارالىق عارىش ستانساسىمەن «سويۋز ت م ا-18» كەمەسى ويداعىداي ءتۇيىستى
بايقوڭىر. قازاقپارات - 2015 -جىلعى 2- قىركۇيەكتە استانا ۋاقىتى بويىنشا ساعات 10.37-دە بايقوڭىر عارىش ايلاعىنان ءساتتى ۇشىرىلعان «سويۋز- ت م ا-18م» باسقارىلاتىن عارىش كەمەسى 2 تاۋلىكتىك سحەما بويىنشا ح ع س- پەن ويداعىداي ءتۇيىستى،
دەپ حابارلادى روس كوسموس باسپا ءسوز قىزمەتى.
بۇدان بۇرىن حابارلانعانداي، «سويۋز ت م ا-18م» كەشە 2 - قىركۇيەكتە استانا ۋاقىتىمەن 10:37-دە بايقوڭىردان ۇشىرىلعان بولاتىن. بۇل، «گاگارين الاڭىنان» ۇشىرىلعان 500- مەرەيتويلىق ۇشىرىلىم. حالىقارالىق عارىش ستانساسىنا بورتىندا روسكوسموس عارىشكەرى سەرگەي ۆولكوۆ، ە ع ا استروناۆتى اندرەاس موگەنسەن (دانيا) مەن قازعارىش عارىشكەرى ايدىن ايىمبەتوۆ بار عارىش كەمەسى اتتاندى.
عارىش كەمەسىنىڭ جولىندا 1989 - جىلى ۇشىرىلعان جاپون زىمىران تاسىعىشىنىڭ فراگمەنتى كەز بولعان. سوقتىعىسۋدى بولدىرماي، تراەكتوريانى ءدال انىقتاۋ جانە بۇگىنگى ح ع س- پەن ءتۇيىسۋ مۇمكىندىگىن جاساۋ ءۇشىن رەسەيلىك ۇ ب و بالليستيكتەرى مەن ولاردىڭ امەريكالىق ارىپتەستەرى - ناسا ماماندارى بىرلەسكەن جۇمىسى جۇرگىزىلدى.