استانادا 18- قىركۇيەك كۇنى «دانىشپاندار كەڭەسى» مۇشەلەرى ن. نازاربايەۆپەن كەزدەسەدى

بۇل تۋرالى Sputnik اگەنتتىگىنە فرانسياداعى «ساياسي جانە حالىقارالىق قاتىناستار ورتالىعىنىڭ» باسشىسى فابەن بوسسار حابارلادى.
اگەنتتىككە بەلگىلى بولعانداي، دەلەگاتسيا مۇشەلەرى اراسىندا ماگاتە ەكس- ديرەكتورى مۇحاممەد ءال- بارادەي مەن يسپانيانىڭ بۇرىنعى پرەمەر- ءمينيسترى حوسە لۋيس رودريگەس ساپاتەرو بار، دەپ جازادى ر ي ا نوۆوستي.
«قۇرامىندا نوبەل سىيلىعىنىنىڭ لاۋرەاتتارى مەن بۇرىنعى ساياساتكەرلەر بار «دانىشپاندار كەڭەسىنىڭ» مۇشەلەرى 18 - قىركۇيەك كۇنى استانادا پرەزيدەنت نۇرسۇلتان نازاربايەۆپەن كەزدەسەدى. ال ءبىر كۇن بۇرىن قازاقستاننىڭ رەسمي وكىلدەرىمەن كەزدەسۋ وتەدى»، - دەدى بوسسار.
ونىڭ ايتۋىنشا، كەڭەس مۇشەلەرى يادرولىق قارۋدى تاراتپاۋ تۋرالى جۇرگىزىلگەن جۇمىستارداعى قازاقستاننىڭ رولىنە جوعارى باعا بەرىپ، ۋكراينا مەن سيرياداعى شيەلەنىسكەن ماسەلەلەردى شەشۋگە ات سالىسقانى، سونداي- اق «استانا-2» كونفەرەنسياسىن وتكىزۋگە كۇش سالعاندىعى ءۇشىن العىس بىلدىرمەك.