ب. ساپاربايەۆ «سويۋز ت م ا - 18 م» عارىش كەمەسىنىڭ بارلىق ەكيپاجىنا ءساتتى ساپار تىلەدى

استانا. قازاقپارات - بۇگىن ق ر پرەمەر-ءمينيسترىنىڭ ورىنباسارى بەردىبەك ساپاربايەۆ قىزىلوردا وبلىسىنا ەكى كۇندىك جۇمىس ساپارى اياسىندا بايقوڭىر قالاسىندا جانە وسى ءوڭىردىڭ ءبىرقاتار ەلدى مەكەندەرىندە بولدى، دەپ حابارلادى primeminister.kz.
None
None

بايقوڭىردا ەلباسىنىڭ تاپسىرماسى بويىنشا ول «سويۋز ت م ا - 18 م» عارىش كەمەسىنىڭ ەكيپاج مۇشەلەرىمەن كەزدەستى، ونىڭ قۇرامىندا قازاقستاندىق عارىشكەر ايدىن ايىمبەتوۆ تە بار. سۇحبات بارىسىندا ب. ساپاربايەۆ عارىشكەرلەرگە ءساتتى ساپار تىلەپ، العا قويعان مىندەتتەردى ورىنداۋعا تىلەكتەستىك ءبىلدىردى. كەزدەسۋ سوڭىندا ۆيتسە- پرەمەر ەكيپاجعا ەكسپو-2017، قازاقستان حالقى اسسامبلەياسى جانە قازاق حاندىعىنىڭ 550 جىلدىعى ەمبلەمالارىن تابىستادى.

ب. ساپاربايەۆ سونداي-اق، قالانىڭ الەۋمەتتىك سالاسىنىڭ ءبىرقاتار نىساندارىن ارالادى. اتاپ ايتقاندا، ول پەرزەنتحانا جۇمىسىمەن تانىستى جانە ورتا مەكتەپتە بولىپ، وندا جالپى ءبىلىم بەرەتىن مەكتەپتەردىڭ ديرەكتورلارىمەن كەزدەستى.

الەۋمەتتىك سالانى دامىتۋمەن تانىسۋ قارماقشى اۋدانى اقاي اۋىلدىق وكرۋگىندە جالعاسىن تاپتى، وندا ب. ساپاربايەۆ بالاباقشانى ارالاپ، 600 ورىندىق ورتا مەكتەپتىڭ قۇرىلىسىن قاراپ شىقتى.

جۇمىس ساپارىنىڭ العاشقى كۇنى 2014 -جىلى جوندەۋدەن وتكەن «قورقىت اتا» مەموريالدىق كەشەنىمەن تانىسۋمەن، سونداي- اق قارماقشى اۋدانى جوسالى اۋىلىندا تاريحي- ولكەتانۋ مۋزەيى مەن كىتاپحانانىڭ اشىلۋىمەن اياقتالدى.

مۋزەي كەشەنىنىڭ اشىلۋىندا سويلەگەن سوزىندە ول مادەنيەت نىساندارىنىڭ حالىقتىڭ ءبىلىم دەڭگەيىن ارتتىرۋعا جانە ءپاتريوتيزمدى تاربيەلەۋدەگى ماڭىزدىلىعىن اتاپ ءوتتى. ۆيتسە- پرەمەر قازاقستاندىقتاردىڭ بارلىق بۋىندارى ءۇشىن قىزىقتى بولاتىن زياتكەرلىك ورتالىققا اينالاتىنىنا سەنىم ءبىلدىردى.

سوڭعى جاڭالىقتار