07:41, 24 - اقپان 2021 | GMT +6
قىزىلوردادا اقپان ايىندا 187 ادام كوروناۆيرۋس جۇقتىردى
قىزىلوردا. قازاقپارات - قىزىلوردا وبلىسىندا اقپان ايىندا 187 ادام كوروناۆيرۋس جۇقتىردى، دەپ حابارلايدى قازاقپارات ءتىلشىسى.
ولاردىڭ اراسىندا 131 ادام وبلىس ورتالىعىنىڭ تۇرعىندارى. ودان كەيىنگى كەزەكتە شيەلىدە - 14، جالاعاشتا - 10، ارال مەن قازالىدا - 9 ادام ينفەكتسيا جۇقتىرعان. ال سىرداريادا - 6، جاڭاقورعاندا - 5، قارماقشىدا - 3 ادامنان كوروناۆيرۋس انىقتالعان.
«ناۋقاستاردىڭ باسىم كوپشىلىگى اۋرۋدى قارىم-قاتىناس ارقىلى جۇقتىرعان. وتكەن اپتادا تىركەلگەن 65 جاعدايدىڭ 31 ءى وسىنداي جولمەن جۇققان. بۇل تۇرعىنداردىڭ جەكە ساقتىق شاراسىن، ۇيدە وقشاۋلانۋ ءتارتىبىن، كارانتين تالاپتارىن ساقتاماۋ سالدارىنان بولىپ وتىر»، - دەپ ءمالىم ەتتى قىزىلوردا وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنەن.
قازىرگى تاڭدا وبلىستا كوروناۆيرۋس جۇقتىرعان ازاماتتاردىڭ سانى 3796 ادامعا جەتتى. جىل باسىنان بەرى 400 دەن استام كوۆيدكە شالدىققان.