ستەپنوگوردا دۇكەننەن 180 ميلليون تەڭگەنىڭ التىنىن ۇرلاعاندار ۆيدەوعا ءتۇسىپ قالدى
كريمينالدىق پوليتسيا باسقارماسى مەن پوليتسيا باسقارماسىنىڭ جەدەل قىزمەتكەرلەرى جۇرگىزگەن ارنايى وپەراتسيانىڭ ناتيجەسىندە زەرگەرلىك دۇكەننىڭ مۇقيات جوسپارلانعان توناۋى انىقتالدى.
ەستەرىڭىزگە سالا كەتسەك، 1-مامىر كۇنى بەلگىسىز بىرەۋلەر جەرتولە ارقىلى دۇكەنگە كىرىپ، 180 ميلليون تەڭگەدەن استام سوماعا زەرگەرلىك بۇيىمداردى ۇرلاپ كەتكەن.
وسى دەرەككە قاتىستى ق ر ق ك 188-بابى 4-بولىگى بويىنشا سوتقا دەيىنگى تەرگەۋ باستالدى.
پ د باسشىلىعىنىڭ نۇسقاۋى بويىنشا بىرنەشە جەدەل توپ قۇرىلىپ، اقمولا جانە كورشى وڭىرلەردىڭ اۋماعىندا ءبىرقاتار جەدەل - ىزدەستىرۋ ءىس- شارالارى جۇرگىزىلدى.
ناتيجەسىندە ەلوردادا ەكى كۇدىكتى ۇستالدى.
ولار - 1977 جانە 1988 -جىلى تۋعان استانا قالاسىنىڭ تۇرعىندارى.
زاتتاي دالەلدەمەلەر، ۇيالى تەلەفوندار، بايلانىس قۇرالدارى جانە ۇستالعاندار ءمىنىپ جۇرگەن كولىك تاركىلەندى.
قازىر قىلمىستىق ءىستى تەرگەۋ جالعاسىپ جاتىر. كۇدىكتىلەر قاماۋعا الىندى.