تالدىقورعاندا 180 ادامنىڭ اتاۋلى الەۋمەتتىك كومەككە قۇجاتتارى قابىلدانبادى
ال قۇجاتتارىن ءدال وسى كومەككە وتكىزگەن 180 ادامدىكى قابىلدانبادى، دەپ حابارلايدى قازاقپارات ءتىلشىسى.
بۇل جايتقا ولاردىڭ ايلىق تابىسىنىڭ جوعارى بولۋى نەمەسە باستارىندا بىرنەشە جەكە مۇلىكتەرى بار بولۋى سىندى ءتۇرلى جايتتار سەبەپ بولدى.
«بىلتىر تالدىقورعان قالاسى بويىنشا 5632 ادام اتاۋلى الەۋمەتتىك كومەكتى الدى. ال بيىل 1571 ادامعا وسى كومەك تاعايىندالدى. بۇل ادامداردىڭ سانى جىل سوڭىنا دەيىن تاعى ءوسۋى مۇمكىن»، - دەدى تالدىقورعان قالالىق جۇمىسپەن قامتۋ ورتالىعىنىڭ ديرەكتورى گۇلميرا ەسجانوۆا.
سونداي-اق، بيىلدان باستاپ ا ا ك بىلتىرعىداي 7 جاسقا دەيىنگى بالا كۇتىمىمەن وتىرعان انالارعا بەرىلمەيدى. جاڭا زاڭعا سايكەس، ەندى انالار بالالارى 3 جاسقا تولعاننان كەيىن جۇمىسقا شىعۋى ءتيىس.
«بالا ءۇش جاسقا تولعان كۇننەن باستاپ، اناسى تۇراقتى جۇمىسپەن قامتىلۋى كەرەك. سودان كەيىن عانا اتاۋلى الەۋمەتتىك كومەككە جۇگىنە الادى. تابىس كوزى كەدەيلىك شەگىنىڭ 70 پايىزى اراسىنداعى ايىرماشىلىق عانا بەرىلەدى»، - دەدى گ. ەسجانوۆا.
ال بۇعان دەيىن بالا كۇتىمىمەن وتىرعان انالارعا جۇمىسپەن قامتۋ ورتالىعى ءتۇرلى جۇمىستاردى ۇسىنىپ جاتقاندارىن ايتادى.
