قىتايدا وندىرىلگەن 180 كەلى ءدارى- دارمەكتى ەلگە كىرگىزبەك بولعان ازامات ۇستالدى
قورعاس. قازاقپارات - 180 كەلىگە جۋىق قىتاي ءدارى- دارمەگى مەن 18000 دوللاردان استام ۆاليۋتا كونترابانداسىنىڭ جولى كەسىلدى، دەپ حابارلايدى قازاقپارات ۇلتتىق قاۋىپسىزدىك كوميتەتىنىڭ شەكارا قىزمەتىنە سىلتەمە جاساپ.
بۇگىن قورعاس شەكارالىق باقىلاۋ وتريادىنىڭ شەكاراشىلارى حالىقارالىق شەكارا بويى ىنتىماقتاستىعىنان كونتراباندالىق جولمەن ءدارى اكەلە جاتقان قازاقستاندىق ازاماتتى ۇستادى. ول قىتايدا شىعارىلعان جالپى سالماعى 179 ك گ بولاتىن ءدارى- دارمەكتى ەل اۋماعىنا كىرگىزبەك بولعان.
تاعى ءبىر قازاقستان ازاماتى ءبىزدىڭ ەلدەن كورشى مەملەكەتكە قاراي 18042 ا ق ش دوللارى مەن 16200 تەڭگەنى كەدەندە راسىمدەمەي الىپ وتپەك بولدى.
كونتراباندالىق جۇك پەن زاڭسىز قاراجات اكتىلەنىپ، كەدەن قىزمەتكەرلەرىنە تاپسىرىلدى.
