ورالدا پرەزيدەنت شىرشاسىنا 180 وقۋشى قاتىستى - فوتو
بالالاردىڭ 126 سى اۋدانداردان كەلسە، التاۋى - بالالار ءۇيىنىڭ، 15 ى - دامۋ مۇمكىندىگى شەكتەۋلى بالالارعا ارنالعان ارناۋلى مەكتەپ- ينتەرنات تاربيەلەنۋشىلەرى، 9 ى - وبلىستىق مەكتەپتەردىڭ، 24 ى - ورالداعى ءبىلىم وردالارىنىڭ وقۋشىلارى.
شىرشانى اينالا، ءبي بيلەپ، ءان سالعان جاس جەتكىنشەكتەر ەلباسى نۇرسۇلتان نازاربايەۆتىڭ بەينەقۇتتىقتاۋىن تىڭدادى. «قىمباتتى بالالار! جاڭا جىل - ءار بالا اسىعا كۇتەتىن مەرەيلى مەيرام، جاقسىلىق جارشىسى. بۇل ەڭ الدىمەن بالالاردىڭ مەرەكەسى، كىشكەنتايلاردىڭ قۋانىشى. سەندەر تاۋەلسىز ەلدە ءوسىپ كەلە جاتقان ناعىز باقىتتى ۇرپاقسىڭدار! مەن وزدەرىڭدى جانە ەلىمىزدەگى بارلىق بالالاردى جاڭا جىلمەن شىن جۇرەكتەن قۇتتىقتايمىن. بۇگىنگى شىرشا تويى ەستە قالاتىن ەرەكشە كەش بولادى دەپ سەنەمىن. ۇلى دالا ەلىنىڭ ۇلاعاتتى ۇلاندارى ۇنەمى الدىڭعى قاتاردا بولۋ كەرەك. ءبىز سەندەردىڭ اقىلدى دا العىر، زەردەلى دە زەرەك بولىپ وسكەندەرىڭدى قالايمىز. ەلىمىزدىڭ بولاشاعىن سەنىپ تاپسىراتىن ۇكىلى ءۇمىتىمىز - وزدەرىڭسىزدەر! سول ءۇشىن سەندەرگە ءبىزدىڭ مەملەكەتىمىز بار مۇمكىندىكتى جاساپ كەلەدى. اسقاق ارماندارىڭ ورىندالىپ، تاۋەلسىز ەلىمىزبەن بىرگە ءوسىپ- ءونىپ، كوركەيە بەرىڭدەر! جاڭا جىلىمىز قۇتتى بولسىن! - دەدى قازاقستان پرەزيدەنتى.
جاڭاجىلدىق شىرشا بارىسىندا وبلىس اكىمى التاي كولگىنوۆ جەتكىنشەكتەرگە ىزگى تىلەگىن ءبىلدىرىپ، ەلباسىنىڭ قۇتتىقتاۋ حاتىن وقىپ بەردى. 
جىل كەيىپكەرلەرىنىڭ، اياز اتا مەن اقشاقاردىڭ قاتىسۋىمەن ەرتەگى كورىنىستەرى قويىلىپ، شىرشا تويى ءتۇرلى قىزىقتارعا تولى بولدى. 
ايتا كەتەيىك، ب ق و ءبىلىم باسقارماسىنان تۇسكەن مالىمەتكە قاراعاندا، جاڭاجىلدىق شىرشانى وتكىزۋگە 15,7 ميلليون تەڭگە بولىنگەن. ەلباسى اتىنان ءار بالاعا ىشىندە قىسقى كيىم، اياقكيىم، سپورتتىق كيىم، باسقا دا تارتۋ- تارالعىلار بار 80 مىڭ تەڭگەنىڭ سىيلىعى تابىس ەتىلدى.
اۆتور: ەلجان ەرالى
