قازاقستاندا حالىق سانى 18 ميلليون 833 مىڭعا جەتتى

مۇنداي دەرەكتى ۇلتتىق ەكونوميكا مينيسترلىگىنىڭ ستاتيستيكا كوميتەتى جاريالادى، دەپ حابارلايدى قازاقپارات.

2020-جىلعى 1- قاراشادا ەلىمىزدە حالىق سانى 18 ميلليون 833 مىڭ بولدى.

«ونىڭ ىشىندە قالالىقتار - 11109,8 مىڭ (%59)، اۋىلدىقتار - 7723,3 مىڭ ادام (%41). ەرلەردىڭ سانى 9136,8 مىڭعا جەتسە، ايەل سانى كوبىرەك - 9696,3 مىڭ» دەلىنگەن تاراتىلعان اقپاراتتا.

كوميتەت مالىمەتىنشە، 2019-جىلعى 1- قاراشامەن سالىستىرعاندا حالىق سانى 240,4 مىڭعا نەمەسە 1,3 پايىزعا وسكەن.

قاراستىرىلىپ وتىرعان كەزەڭدە ەڭ ۇلكەن ءوسىم ەلىمىزدىڭ 3 وڭىرىندە تىركەلدى. ولار - الماتى (64,8 مىڭ ادام)، نۇر-سۇلتان (48,9 مىڭ ادام) جانە شىمكەنت قالالارى (36,4 مىڭ ادام).