قازاقستاندا 18 مىڭ 500 گە جۋىق اباي تۇرادى

استانا. قازاقپارات - بۇگىن - قازاقستاندا اباي كۇنى. ۇلتتىق ستاتيستيكا بيۋروسى ۇلى ويشىل كۇنىنە وراي اقىن ەسىمىمەن اتتاس قازاقستاندىقتار تۋرالى دەرەكتەردى ۇسىندى، دەپ حابارلايدى قازاقپارات.

«بۇگىندە ەلىمىزدە اباي ەسىمى قويىلعان 18452 ادام تۇرادى. اقىنمەن اتتاس تۇرعىندار سانى تۇركىستان وبلىسىندا كوپ كەزدەسەدى - 2050 ادام. سونداي-اق ۇلى اقىننىڭ ەسىمى بەرىلگەن ادام سانى استانادا كوپ - 1930 ادام. العاشقى ۇشتىكتى اباي ەسىمدى 1588 ادام تۇراتىن الماتى وبلىسى تۇيىندەيدى. ويشىل ەسىمى بار تۇرعىن سانى ۇلىتاۋ وڭىرىندە ەڭ از - 194 ادام.

اقىننىڭ تۋعان ولكەسىندە (اباي وبل. ) 238 ادام تۇرادى»، - دەپ جازدى ۆەدومستۆودان.

جاس قۇرامىن قاراساق، اباي ەسىمدى 17 جاسقا دەيىنگى 4297 بالا بار، ال 18 بەن 44 جاس ارالىعىندا 8231 ادام.