بيىل 18 جاستاعى ەلناز نۇرسەيىتوۆا «استانا ارۋى-2016» اتاندى - فوتو
سۇلۋلىق بايقاۋىنا 17 مەن 23 جاس ارالىعىنداعى 20 بويجەتكەن قاتىستى. ولاردىڭ بارلىعى كورىكتى ءارى مۇسىندەرىندە دە ءمىن جوق بولدى. ءبىراق قازىلار القاسىنىڭ تاڭداۋى 18 جاسار ەلناز نۇرسەيىتوۆاعا ءتۇستى. ولار ەلنازدى قالانىڭ ەڭ سۇلۋ قىزى دەگەن اتاققا لايىق دەپ تاپتى.
ءبىرىنشى ۆيتسە- ميسس اتاعىنا بەگايىم جورابەكوۆا لايىقتى دەپ تانىلدى، ەكىنشى ۆيتسە-ميسس اتاعىن ەكاتەرينا پودگورودەتسكايا جەڭىپ الدى. ال ءبيبىنۇر ەسىموۆا ءۇشىنشى ۆيتسە-ميسس دەگەن اتاققا يە بولدى.
قازىلار القاسىنىڭ مۇشەلىگىنە وليمپيادا چەمپيونى سەرىك ساپيەۆ، ءانشى ءالي وقاپوۆ، ءماجىلىس دەپۋتاتى زاعيپا باليەۆا، «استانا ارۋى» بايقاۋىنىڭ ديرەكتورى ولگا رادەش، «قازاقستان ارۋى» بايقاۋىنىڭ پرەزيدەنتى الەنا ريۆلينا- كىرباسوۆا ەنگەن بولاتىن.
قاتىسۋشىلار بايقاۋ بارىسىندا ءتورت كەزەڭدىك سايىستان ءوتتى. ءبىرىنشى كەزەڭدە ارۋلار وزدەرىن تانىستىرسا، ەكىنشى كەزەڭدە ۇلتتىق كيىمدە ءجۇرىپ ءوتتى. كەلەسىدە بويجەتكەندەردىڭ ارتىستىك ونەرى باعالاندى. سوڭىندا ارۋلار كەشكى كويلەكپەن شىقتى.
ەلناز نۇرسەيتوۆا ەندى «قازاقستان ارۋى» بايقاۋىندا استانا اتىنان شىعادى.
