اقتوبە اۋەجايى 17-ناۋرىزدان باستاپ جابىلادى
بۇل تۋرالى قازاقپارات ازاماتتىق اۆياتسيا كوميتەتىنە سىلتەمە جاساپ حابارلايدى.
9-ناۋرىزدا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆتىڭ تاپسىرماسى بويىنشا اقتوبە اۋەجايىندا ۇشۋ- قونۋ جولاعىن تەكسەرۋ جۇرگىزىلدى.
تەكسەرۋگە اقتوبە وبلىسى اكىمدىگى، ازاماتتىق اۆياتسيا كوميتەتى، قازاقستاننىڭ اۆياتسيالىق اكىمشىلىگى، ءاليا مولداعۇلوۆا حالىقارالىق اۋەجايى جانە Air Astana, SCAT، Qazaq Air اۋە كومپانيالارىنىڭ وكىلدەرى قاتىستى.
كەي جەرلەردە ۇشۋ- قونۋ جولاعىنىڭ جاعدايىندا اقاۋلار، جارىقشاقتار، اۋەايلاق پليتالارىنىڭ، ماستيكانىڭ قابىرشاقتانۋى انىقتالدى.
بەلگىلەنگەن تالاپتارعا سايكەسسىزدىكتى، سونداي- اق ازاماتتار ءۇشىن ۇشۋ قاۋىپسىزدىگىنىڭ باسىمدىعىن ەسكەرە وتىرىپ، قازاقستاننىڭ اۆياتسيالىق اكىمشىلىگى اعىمداعى جىلدىڭ 17-ناۋرىزىنان باستاپ اقتوبە اۋەايلاعىنىڭ ۇشۋ- قونۋ جولاعىن پايدالانۋدى بۇزۋشىلىقتاردى جويعانعا دەيىن توقتاتۋ تۋرالى شەشىم قابىلدادى.
ءوز كەزەگىندە اقتوبە وبلىسىنىڭ اكىمدىگى قىسقا مەرزىمدە اۋەايلاق پليتالارىن اۋىستىرۋ جانە جوندەۋ جۇمىستارىن جۇرگىزۋدى قارجىلاندىرۋعا دايىن.
اۋەجايدى پايدالانۋشى ءبىرىنشى كەزەكتە اۋىستىرۋدى تالاپ ەتەتىن پليتالاردى انىقتاي وتىرىپ، تەكسەرۋ اكتىسىن جاساۋدا جانە اۋەايلاقتىڭ ۇشۋ- قونۋ جولاعىنا اعىمداعى جوندەۋ جۇرگىزۋ بويىنشا ءىس- شارالار جوسپارىن ازىرلەۋدە.