بيىل قاڭتاردا كوپبالالى وتباسىلارعا 17 ميلليارد تەڭگەدەن استام قاراجات تولەنەدى
نۇر- سۇلتان. قازاقپارات - ءتورت جانە ودان كوپ بىرگە تۇراتىن كامەلەتكە تولماعان بالالارى بار كوپبالالى وتباسىلارعا مەملەكەتتىك جاردەماقى تولەۋگە 2020 -جىلعى قاڭتاردا 17,7 ميلليارد تەڭگە كوزدەلگەن، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
باءسپاسوز قىزمەتىنىڭ مالىمەتىنشە، زەينەتاقى مەن جاردەماقىلاردى قارجىلاندىرۋدى ەكىنشى دەڭگەيدەگى بانكتەردە بىركەلكى ءبولۋ ءۇشىن اقشا قاراجاتىن اۋدارۋ كەزەڭ- كەزەڭىمەن جۇزەگە اسىرىلاتىن بولادى.
«2020 -جىلعى 5 قاڭتاردا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- عا 12,5 ميلليارد تەڭگە، 5-8 - قاڭتار ارالىعىندا «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق كەستەگە سايكەس اقشانى الۋشىلاردىڭ شوتتارىنا اۋدارادى.
قالعان 5,2 ميلليارد تەڭگە «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- عا تاياۋ كۇندەرى جىبەرىلەدى» ، دەلىنگەن حابارلامادا.
ەستەرىڭىزگە سالا كەتەيىك، 2020 -جىلعى 1 - قاڭتاردان باستاپ 4 جانە ودان دا كوپ كامەلەتكە تولماعان بالالارى بار نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنتتەرى بار وتباسىلارعا جاڭا مەملەكەتتىك جاردەماقى بەرلەدى.
اتالعان مەملەكەتتىك جاردەماقى وتباسىنىڭ تابىسىنا قاراماستان سارالانعان مولشەردە: 4 بالاعا - 42496 تەڭگە؛ 5 بالاعا - 53127 تەڭگە؛ 6 بالاعا - 63757 تەڭگە؛ 7 جانە ودان دا كوپ بالاعا - 74388 تەڭگە تولەنەدى.
جالپى العاندا، 2020 -جىلى كوپبالالى وتباسىلارعا مەملەكەتتىك جاردەماقى تولەۋگە 177,6 ميلليارد تەڭگە كوزدەلگەن. بۇل جاردەماقىنى 346,8 مىڭ وتباسى الاتىن بولادى.
