قازاقستاندىق گيمناست قىزدار ازيا چەمپيوناتىندا 17 مەدال الدى
قازاقستاندىق ارۋلاردىڭ ۇلەسىندە 3 التىن، 3 كۇمىس، 2 قولا مەدال بار. كوماندانىڭ كوشباسشىسى الينا ءادىلحانوۆا 3 التىن (كوپسايىس، دوپ، لەنتا)، ءبىر كۇمىس (وبرۋچ) جانە ءبىر قولا مەدال جەڭىپ الدى.
ال جاس ءوسپىرىم گيمناستشىلاردىڭ ۇلەسىندە 4 التىن، 2 كۇمىس، 3 قولا مەدال بار. روزا ابيتوۆا 2 التىن مەدال (وبرۋچ، دوپ) الدى. تاعى ءبىر التىندى ول كوماندالىق بىرىنشىلىكتە جەڭىپ الدى. سابينا باقاتوۆانىڭ دا ۇلەسىندە 1 «التىن» بار. ەكى كۇمىس مەدالدى سپورتشىلار توپتىق جاتتىعۋلار بويىنشا ەنشىلەدى. تاعى ءبىر «قولا» سابينا باقاتوۆانىڭ، ەكىنشىسى ايبوتا ەرتاي قىزىنىڭ (لەنتا) ۇلەسىندە. سونداي-اق قازاقستاندىق سپورتشىلار توپتىق جاتتىعۋلاردان دا قۇر قالماي، ءبىر «قولانى» الدى.
ايتا كەتەتىن ماسەلە، روزا ابيتوۆا 6-18- قازان ارالىعىندا ارگەنتينادا (بۋەنوس- ايرەس) جاس وسپىرىمدەر اراسىندا وتەتىن وليمپيادا ويىندارىنا ليتسەنزيانى جەڭىپ الدى.
ەستەرىڭىزگە سالا كەتەيىك، 2018-جىلدىڭ 28- ءساۋىرى مەن 2- مامىرى ارالىعىندا كۋالا-لۋمپۋردا (مالايزيا) كوركەم گيمناستيكادان 10-ازيا چەمپيوناتى ءوتتى. جارىسقا ازيانىڭ 18 ەلىنىڭ سپورتشىلارى قاتىستى.
ولار كوپ سايىس جانە كوپ سايىس تۇرلەرىنەن ءوزارا سىنعا ءتۇسىپ، كوماندالىق بىرىنشىلىكتە باق سىنادى.
