قانات يسلامنىڭ كەلەسى كەزدەسۋى 17- اقپاندا وتەدى

استانا. قازاقپارات - كاسىپقوي بوكستا قازاقستاننىڭ نامىسىن ابىرويمەن قورعاپ جۇرگەن وتانداسىمىز قانات يسلام كەلەسى كەزدەسۋىن 17- اقپان كۇنى نيۋاركا قالاسىندا وتكىزەدى.
None
None

بۇل تۋرالى vesti.kz تىلشىسىنە «Nelsons Promotion» پروموۋتەرلىك كومپانياسىنىڭ قازاقستانداعى وكىلى نۇرعازى ىسماعامبەتوۆ ايتتى، دەپ جازادى ماسساگەت. ك ز.

«قانات يسلام كاسىپقوي بوكستاعى كەلەسى كەزدەسۋىن 17-اقپان كۇنى نيۋ- دجەرسي شتاتىنداعى نيۋاركا قالاسىندا وتەدى. روي دجونستىڭ قاتىسۋىمەن وتەتىن بوكس كەشىندە يسلام 10 راۋندتىق جەكپە- جەك وتكىزەدى. ءبىراق، بۇل كەشتە قانات چەمپيوندىق اتاعىن قورعامايدى. وتانداسىمىز چەمپيوندىق اتاعىن تەك قازاقستاندا قورعايمىن دەپ وتىر. قارسىلاسىنىڭ كىم بولاتىنىن الداعى ۋاقىتتا حابارلايمىز. قانات يسلام قازىر ا ق ش- تا. نەلسون لوپەزدىڭ قول استىندا جاتتىعۋ جۇمىستارىنا كىرىسىپ كەتتى» - دەيدى ىسماعامبەتوۆ.

ايتا كەتەيىك، بۇعان دەيىن امەريكالىق باسىلىمداردا قانات يسلامنىڭ كەلەسى كەزدەسۋىن ساۋل الۆارەسپەن وتكىزۋى مۇمكىن دەگەن قاۋەسەت شىققان ەدى. ءبىراق مۇنداي اقپاراتتى رەسەيلىك بوكس مامانى الەكساندر بەلەنكيي وتىرىك دەپ ايتسا، ال ونىڭ ارىپتەسى گريگوري ستانگريت اتالعان جەكپە- جەكتىڭ ءوتۋى مۇمكىن ەكەنىن ايتقان بولاتىن.

قانات يسلام كاسىپقوي بوكستاعى ءوزىنىڭ سوڭعى جەكپە- جەگىن 29 - قازان كۇنى الماتىدا وتكىزىپ، تورەشىلەردىڭ شەشىمى بويىنشا گانالىق پاتريك اللوتەيدەن باسىم تۇسكەن ەدى.

سوڭعى جاڭالىقتار