14:58, 15 - ماۋسىم 2020 | GMT +6
ابايدىڭ 175 جىلدىعى: جيدەبايدىڭ حالىقارالىق اتلاسى جاسالادى
سەمەي. قازاقپارات - سەمەي قالاسىندا ۇلى اباي تۇرعان جيدەباي ەلدى مەكەنىنىڭ حالىقارالىق اتلاسى جاسالادى، دەپ حابارلايدى قازاقپارات ءتىلشىسى.
اباي اتىنداعى مەملەكەتتىك تاريحي-مادەني قورىق- مۇراجايىنىڭ ديرەكتورى تۇردىقۇل شاڭبايدىڭ ايتۋىنشا، اتلاس اقىننىڭ 175 جىلدىعىنا وراي اباي اكادەمياسىمەن بىرلەسىپ ازىرلەنەدى جانە ءۇش تىلدە باسىپ شىعارىلادى.
«جيدەباي اۋماعى - 6 مىڭ 400 گەكتار. اتلاستى قۇرۋ ماقساتىندا دارىندى فوتوگرافتاردى جينادىم. باسىلىمدا جيدەبايدىڭ فلورا، فاۋنا، لاندشافتى، بيوالۋانتۇرلىلىگى مەن تاريحي جەرلەرى كورسەتىلەدى»، - دەپ اتاپ ءوتتى ت. شاڭباي.
ەسكە سالا كەتسەك، جيدەباي جەرىندە ابايدىڭ مۇراجاي ءۇيى مەن كەسەنەسى ورنالاسقان.
اۆتورى: ورال ەرلان ۇلى
