ابايدىڭ 175 جىلدىعىنا ارنالعان ستۋدەنتتەر ايتىسى وتەدى
جاس سۋىرىپسالما اقىندار اراسىنداعى جارىس 28-اقپاندا وتەدى. رەسپۋبليكالىق ستۋدەنتتەر ايتىسى قار م ت ۋ- دا جاستار اراسىندا حالىق ونەرى مەن اباي شىعارماشىلىعىن ناسيحاتتاۋ ماقساتىندا ۇيىمداستىرىلادى.
قازىلار القاسىنىڭ قۇرامىنا قاراعاندى وبلىسىنىڭ ايتىسكەرلەرى مەن اقىندار كىرەدى. قازىلار القاسى مۇشەلەرىنىڭ اراسىندا تانىمال ايتىسكەر ديدار حاميەۆ بار. قازىلار القاسىنىڭ ءتوراعاسى، ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى امانجول التايەۆ بولادى.
رەسپۋبليكالىق ايتىسقا ەلىمىزدىڭ بىرنەشە ايماعىنان كەلگەن ج و و ستۋدەنتتەرى قاتىسادى دەپ جوسپارلانۋدا. قار م ت ۋ مەن قار م ۋ- دان باسقا قازاق ۇلتتىق ونەر ۋنيۆەرسيتەتىنىڭ، پاۆلودار مەملەكەتتىك پەداگوگيكالىق ۋنيۆەرسيتەتىنىڭ، الماتى «قاينار» اكادەمياسىنىڭ، وڭتۇستىك قازاقستان مەملەكەتتىك ۋنيۆەرسيتەتىنىڭ، ەۋرازيا ۇلتتىق ۋنيۆەرسيتەتىنىڭ، قىزىلوردا مەملەكەتتىك ۋنيۆەرسيتەتىنىڭ جانە سەمەي قالاسىنىڭ مەملەكەتتىك ۋنيۆەرسيتەتىنىڭ ستۋدەنتتەرى ءوزارا سايىسقا تۇسەدى.
