ەلوردادا ابايدىڭ 175 جىلدىعىنا ارنالعان رەسپۋبليكالىق ايتىس وتەدى

نۇر-سۇلتان. قازاقپارات - ەلوردادا 8 - اقپان كۇنى ۇلى ابايدىڭ 175 جىلدىعىنا وراي «ادامزاتتىڭ الىبى - حاكىم اباي» اتتى رەسپۋبليكالىق اقىندار ايتىسى وتەدى، دەپ حابارلايدى قازاقپارات قازاقستان جازۋشىلار وداعىنىڭ نۇر-سۇلتان قالالىق فيليالىنا سىلتەمە جاساپ.

مادەنيەت جانە سپورت مينيسترلىگى مەن نۇر-سۇلتان قالاسى اكىمدىگىنىڭ ۇيىمداستىراتىن ايتىس Nur Otan پارتياسى قولداۋىمەن وتكىزىلەدى.

ءدۇبىرلى دوداعا ەركەبۇلان قاينازار، مۇحتار نيازوۆ، مەيىربەك سۇلتانحان، رۇستەم قايىرتاي، ديدار قاميەۆ، اسەم ەرەجە، بولاتبەك ورازبايەۆ، تىلەگەن ءادىلوۆ، قاليجان بىلداشيەۆ، نۇرلان ەسەنقۇلوۆ، شالقارباي ءىزباساروۆ، ەرشات قايبولدين، مارات احمەتوۆ، راۋان قايداروۆ، سەرىك قۋانعان، نۇرزات قارۋ قاتارلى ون التى اقىن قاتىسادى.

جىر جارمەڭكەسىن ءجۇرسىن ەرمان جۇرگىزەدى.