بۋداپەشت قالاسىندا ابايدىڭ 175 جىلدىعى اتاپ ءوتىلدى
بۋداپەشتتە قازاقستان رەسپۋبليكاسىنىڭ ەلشىلىگى ق ر ۇلتتىق اكادەميالىق كىتاپحاناسى دەلەگاتسياسىنىڭ قاتىسۋىمەن قازاق اقىنى ابايدىڭ 175 جىلدىق مەرەيتويىن مەرەكەلەۋ اياسىندا دوڭگەلەك ۇستەل وتكىزدى. شارا بارىسىندا «الەم تانىعان اباي» كىتاپ- يلليۋستراتيۆتى كورمەسى مەن «اباي الەمى» فوتوكورمەسى ۇيىمداستىرىلدى.
ماجارستان مەن قازاقستاننىڭ شىعارماشىلىق زيالى قاۋىمىنىڭ، قوعامدىق- ساياسي، عىلىمي جانە مادەني ورتاسىنىڭ وكىلدەرى، قازاقستان جازۋشىلار وداعىنىڭ ءتوراعاسى باستاعان ابايتانۋشىلار، قازاق دياسپوراسى، سونداي- اق قازاق ءتىلىن، مادەنيەتى مەن سالت- ءداستۇرىن ۇيرەنىپ جۇرگەن ماجارلىق ستۋدەنتتەر قاتىسقان ءىس- شارا تۇركىتىلدەس مەملەكەتتەر ىنتىماقتاستىعى كەڭەسى وكىلدىگىنىڭ عيماراتىندا ءوتتى.
قازاقستاننىڭ ماجارستانداعى ەلشىسى جانىبەك ءابدراشوۆ قازاقستان مەن ماجارستان اراسىندا ساياسي- ەكونوميكالىق قارىم- قاتىناستار عانا دامىپ قويماي، سونىمەن قاتار مادەني- گۋمانيتارلىق ىنتىماقتاستىق تا قارقىندى ىلگەرىلەپ كەلە جاتقانىن، اتاپ ايتقاندا بۋداپەشتتە ابايدىڭ ەسكەرتكىشى بار ەكەنىن اتاپ ءوتتى.
ماجار تاراپىنان ماجارستان پرەمەر- ءمينيسترىنىڭ كەڭەسشىسى، ماجارلىق پەن- كلۋب پرەزيدەنتى گ. سەچ ءسوز الىپ، الەمدىك مادەني مۇراعا ۇلەسىن قوسقان ابايدىڭ ەڭبەگىنىڭ تەرەڭ ءپالساپالىق ويلارىنا توقتالدى. سونىمەن قاتار قازاقستان مەن ماجارستان اراسىندا ەكىجاقتى مادەني- گۋمانيتارلىق قارىم- قاتىناستاردىڭ دامۋىنا جوعارى باعا بەردى.
ءىس- شارا بارىسىندا ماجار تىلىندە م. اۋەزوۆتىڭ «اباي جولى» كىتابىنىڭ تۇساۋكەسەرى بولدى.
ءىس- شارادان كەيىن بۋداپەشت قالاسىندا ورتالىق پاركتەگى استانا كوشەسىندە اباي قۇنانباي ۇلىنىڭ ەسكەرتكىشىنە گۇل شوعىن قويۋ ءراسىمى بولدى. قازاق دياسپوراسى، سونداي- اق قازاقستاندىق جانە ماجارلىق ستۋدەنتتەر ابايدىڭ ولەڭدەرى قارا سوزدەرىن وقىپ، اندەرىن ورىندادى.
