قازاقستان حالقىنىڭ سانى 17 ميلليون 608 مىڭ ادامنان استى

 استانا. قازاقپارات - 2015 -جىلدىڭ 1 - قازانىنداعى مالىمەتتەر بويىنشا ەلىمىزدەگى حالىق سانى 17 ميلليون 608,2 مىڭ ادامدى قۇرادى. سونىڭ ىشىندە قالالىقتار - 10 ميلليون 18,4 مىڭ (%56,9) ، اۋىلدىقتار -  7589,8 مىڭ ادامدى (%43,1) قۇراپ وتىر.

 بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.

كوميتەت تاراتقان مالىمەتتەرگە قاراعاندا، 2015 - جىلعى قاڭتار- قىركۇيەكتە حالىق سانى جالپى ەل بويىنشا 190,5 مىڭ ادامعا نەمەسە 1,1 پايىزعا، ال 2014 - جىلعى 1 - قازانمەن سالىستىرعاندا حالىق سانى 254,5 مىڭ ادامعا نەمەسە 1,47 پايىزعا ءوستى.

 «ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2015 -جىلدىڭ قاڭتار- قىركۇيەگىندە تۋىلعاندار سانى 301,8 (301,3) مىڭ ادامدى قۇراپ، بۇل كورسەتكىش بىلتىرعى وسى كەزەڭمەن سالىستىرعاندا 0,2 پايىزعا ارتقان. تۋۋ كەزەكتىلىگى بويىنشا ءبىرىنشى، ەكىنشى جانە ءۇشىنشى تۋعانداردىڭ ۇلەس سالماعى سايكەسىنشە 35 پايىز (بىلتىر 38 پايىز) ، 28 پايىز (27 پايىز) جانە 18 پايىزدى (16 پايىز) قۇرادى. تۋۋدىڭ جالپى كوەففيتسيەنتى 1000 ادامعا 23,00 (23,30) تۋىلعانداردان كەلەدى»، - دەلىنگەن باسپا ءسوز بايانىندا. 

سونىمەن قاتار، ەسەپتى كەزەڭدە قايتىس بولعاندار سانى 101,0 (99,3) مىڭ ادامدى قۇراعان، بۇل 2014 -جىلدىڭ قاڭتار- قىركۇيەگىنە قاراعاندا 1,7% كوپ. ءولىم- ءجىتىمنىڭ جالپى كوەففيتسيەنتى 1000 ادامعا 7,69 (7,68) قايتىس بولعانداردى قۇراپ وتىر.

«2015 - جىلدىڭ قاڭتار- قىركۇيەگىندە رەسپۋبليكا حالقىنىڭ تابيعي ءوسىمى بىلتىرعى قاڭتار- قىركۇيەكپەن سالىستىرعاندا 1,2 مىڭ ادامعا نەمەسە 0,6 پايىزعا ازايىپ، 200,9 (202,0) مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 15,31 (15,62) ادام بولىپ وتىر. ەسەپتى كەزەڭدە رەسپۋبليكادا 1 جاسقا دەيىنگى قايتىس بولعان نارەستە سانى  2864 (2999) ادامدى قۇراپ، بىلتىرمەن سالىستىرعاندا % 4,5 ازايدى. نارەستە ءولىم- ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار»، - دەلىنگەن باسپا ءسوز بايانىندا.

بۇدان بولەك، كوشى- قون پوليتسياسى ورگاندارى ۇسىنعان قازاقستانعا كەلۋ/كەتۋدى ستاتيستيكالىق ەسەپكە الۋ تالوندارىنداعى مالىمەتتەردى وڭدەۋ ناتيجەسىندە، 2015 - جىلعى قاڭتار- قىركۇيەگىندە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ- قونۋشىلار) 12161 ادامدى قۇراعان. ەلىمىزدەن كەتكەن كوشىپ- قونۋشىلاردىڭ تىركەلۋ سانى 5,6 پايىزعا كوبەيىپ،  22480 ادامدى قۇراعان، ال كوشى- قوننىڭ ايىرىمى - 10319 ادام بولدى.

«ەلىمىزدەگى نەگىزگى كوشى- قون الماسۋى ت م د مەملەكەتتەرىمەن بولۋدا. ت م د ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى، تيىسىنشە، 86,2 پايىز جانە 90,2 پايىزدى قۇرادى. بىلتىرعى كەزەڭىمەن سالىستىرعاندا ەل ىشىندە كوشىپ- قونۋشىلار سانى %17,1 كوبەيىپ،  348732 ادامدى قۇرادى. ءوڭىرارالىق كوشىپ- قونۋشىلاردىڭ ۇلەسىنە ەلىمىزدىڭ جالپى ىشكى كوشىپ- قونۋشىلار سانىنىڭ 44,5 پايىزى تيەسىلى. ءوڭىرارالىق كوشى- قوننىڭ وڭ ايىرىمى الماتى (31525 ادام) قالاسىندا جانە اقمولا (2693 ادام)، قوستاناي (851 ادام)، ماڭعىستاۋ (687 ادام) ، اتىراۋ (316 ادام) ، پاۆلودار (44 ادام) وبلىستارىندا قالىپتاستى»، - دەلىنگەن باسپا ءسوز بايانىندا.

اۆتور: قانات مامەتقازى ۇلى