قازاقستاننىڭ 16 وڭىردە ەسكەرتۋ جاريالانىپ، جولدار جابىلدى
بۇل تۋرالى ك ر ت ج م رەسمي وكىلى تالعات ءۋالي ايتتى، دەپ حابارلايدى قازاقپارات.
«قازگيدرومەت» ر م ك دەرەكتەرى بويىنشا 16 وڭىردە (نۇر-سۇلتان، شىمكەنت قالالارى، اقمولا، اتىراۋ، الماتى، اقتوبە، جامبىل، ب ق و، قاراعاندى، قوستاناي، پاۆلودار، قىزىلوردا، ماڭعىستاۋ، سقو جانە تۇركىستان) داۋىلدى ەسكەرتۋ جاريالاندى. ت ج م احۋالدىق ورتالىعىندا رەسپۋبليكالىق جەدەل شتاب قۇرىلدى، وعان «قازاقاۆتوجول» ج ش س جانە «قازاۆتوجول» ۇ ك ا ق قىزمەتكەرلەرى كىردى.
وسىنداي شتابتار اقمولا، قاراعاندى، س ق و، قوستاناي، باتىس قازاقستان، اتىراۋ وبلىستارى مەن نۇر-سۇلتان قالاسىندا جۇمىس ىستەيدى.
بۇل تۋرالى ك ر ت ج م رەسمي وكىلى تالعات ءۋالي حابارلادى. قازىرگى ۋاقىتتا اۋا رايىنىڭ ناشارلاۋىنا بايلانىستى (بوران، قار، ناشار كورىنۋ، كوكتايعاق) رەسپۋبليكالىق ماڭىزى بار اۆتوجولداردىڭ 46 ۋچاسكەسى جانە 14 وڭىردە 51 وبلىستىق ماڭىزى بار ۋچاسكە جابىلدى، بۇل نۇر-سۇلتان قالاسى، اقمولا، اقتوبە، الماتى، اتىراۋ، باتىس قازاقستان، قاراعاندى، قوستاناي، سولتۇستىك قازاقستان، شىعىس-قازاقستان، پاۆلودار، ماڭعىستاۋ، تۇركىستان، جامبىل وبلىستارى.
بەكەتتەردە قوستاناي (87 بىرلىك)، جامبىل (70 بىرلىك)، قاراعاندى (169 بىرلىك) وبلىستارىندا بارلىعى 316 بىرلىك اۆتوكولىك شوعىرلانعان. جابىق جول ۋچاسكەلەرىندە حالىقتى ەۆاكۋاتسيالاۋ ءۇشىن 473 جىلىتۋ پۋنكتى دايىن.
قازىرگى ۋاقىتتا 138 ادام ورنالاستىرىلدى: باتىس قازاقستان (5 ادام) قاراعاندى (1 ادام)، اقمولا (16 ادام)، قوستاناي (61 ادام) جانە تۇركىستان وبلىسى (55 ادام). ت ج م اۋماقتىق بولىمشەلەرىمەن 155 بىرلىك تەحنيكا شىعارىلىپ، 294 ادام قۇتقارىلدى جانە ەۆاكۋاتسيالاندى، ونىڭ ىشىندە 17 بالا.
شۇعىل جۇمىستارعا ت ج م، ءى ءى م، جول قىزمەتتەرى، جاو بارلىعى 1189 ادام جانە 788 بىرلىك تەحنيكا جۇمىلدىرىلدى.
حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 45 س م س- حابارلامانى تاراتۋ جۇزەگە اسىرىلدى، «دارمەن» موبيلدىك قوسىمشاسى ارقىلى 38 حابارلاما جىبەرىلدى.
ۋاقىتىلى اقپاراتتىق-پسيحولوگيالىق كومەك كورسەتۋ ءۇشىن رەسپۋبليكالىق جەدەل شتابتا جانە وڭىرلەردە (نۇر-سۇلتان قالاسى، اقمولا، ب ق و، قوستاناي جانە س ق و) «جەدەل بايلانىس جەلىسى» اشىلدى.