17:38, 01 - قاڭتار 2017 | GMT +5
ح ع س- تاعى عارىشكەرلەر جاڭا جىلدى 16 رەت قارسى الادى
استانا. قازاقپارات - قۇرامىندا بەلارۋس تۋماسى ولەگ نوۆيتسكي بار ح ع س ميسسياسىنىڭ ەكيپاجى وربيتادا 16 رەت جاڭا جىلدى اتاپ وتەدى.
ءدال سونشا رەت حالىقارالىق عارىش ستانساسى 2017-جىل باستالعان ساعات بەلدەۋىن كەسىپ وتەتىن بولادى. بۇل تۋرالى رەسەيلىك ۇشىرىلىمدى باسقارۋ ورتالىعىنا سىلتەمە جاساپ ر ي ا نوۆوستي حابارلادى.
بالليستيكالىق-ناۆيگاتسيالىق قامتاماسىز ەتۋ قىزمەتىنىڭ ەسەبىنە سايكەس ح ع س- تا ەڭ العاشقى جاڭا جىلدى 31- جەلتوقساندا 15:24 تە قارسى الادى. بۇل ساتتە ستانسا جاڭا زەلانديانىڭ وڭتۇستىك-باتىسىنا قاراي ۇشادى. ودان ءارى 2017-جىلعى 1- قاڭتاردا عارىشكەرلەر مەن استروناۆتار كاليفورنيا شتاتى (ا ق ش)، فولكلەند ارالدارى، فيدجي ارالى، بەلارۋس اۋماعىندا ءبىر-ءبىرىن جاڭا جىلمەن قۇتتىقتاي الادى.
