02:17, 13 - ماۋسىم 2015 | GMT +6
قاراعاندىنىڭ بۇرىنعى اكىمىن كۇزەتپەن ۇستاۋ مەرزىمى 16 -شىلدەگە دەيىن ۇزارتىلدى
استانا. قازاقپارات - قاراعاندى قالاسىنىڭ بۇرىنعى اكىمى مەيرام سماعۇلوۆتى كۇزەتپەن ۇستاۋ مەرزىمى ۇزارتىلدى، دەپ حابارلايدى قاراعاندى وبلىستىق سوتىنىڭ باسپا ءسوز قىزمەتىنەن.
بۇگىن قاراعاندى قالاسىنىڭ قازىبەك ءبي اۋداندىق سوتىمەن قاراعاندى قالاسىنىڭ بۇرىنعى اكىمى مەيرام سماعۇلوۆتىڭ قىلمىستىق ءىس ماتەريالدارىمەن تانىسۋ كەزەڭىندە كۇزەتپەن ۇستاۋ مەرزىمىن ۇزارتۋ تۋرالى ءوتىنىش حات قارالدى.
قالانىڭ بۇرىنعى اكىمى ق ر ق ك 307-بابىنىڭ 4-بولىگى، 307-بابىنىڭ 3-بولىگى، 307-بابىنىڭ 1-بولىگىندە كوزدەلگەن سىبايلاس جەمقورلىق قىلمىسىن جاساعانى ءۇشىن ايىپتالىپ وتىر (اۋىر سالدارعا اكەپ سوققان، قىزمەت وكىلەتتىگىن تەرىس پايدالانۋ).
اتالعان سوتتىڭ 2015 -جىلعى 12 -ماۋسىمداعى قاۋلىسىمەن ءوتىنىش حات قاناعاتتاندىرىلدى. مەيرام سماعۇلوۆتى كۇزەتپەن ۇستاۋ مەرزىمى 2015 -جىلعى شىلدەنىڭ 16 ى كۇنى ساعات 13:00 گە دەيىن ۇزارتىلدى.
قاۋلىلار كۇشىنە ەنگەن جوق.