تۇركيا اۋەجايلارىنداعى جولاۋشىلار اعىنى 165 ميلليونعا جاقىندادى

استانا. قازاقپارات - قازان ايىندا تۇركيانىڭ ىشكى اۋە جەلىسىندەگى رەيستەر 0,8 پايىزعا ءوسىپ، 80369 عا جەتتى، دەپ حابارلايدى انادولى اگەنتتىگى.

2017-جىلدىڭ 10 ايى ىشىندە ترانزيتتى ەسەپتەگەندە، تۇركيا اۋەجايلارىنداعى جولاۋشىلار اعىنى وتكەن جىلدىڭ سايكەس مەرزىمىمەن سالىستىرعاندا 10,1 پايىزعا ارتىپ، 164,77 ميلليون ادامدى قۇرادى، دەپ حابارلايدى تۇركيانىڭ مەملەكەتتىك اۋەجايلارى باس باسقارماسى DHMI.

DHMI مالىمەتتەرىنە قاراعاندا، قازان ايىندا ىشكى اۋە جەلىسىندەگى رەيستەر 3, 6 پايىزعا - 80369، شەت ەلدەرگە رەيستەر 3, 6 پايىزعا - 54658 گە جەتىپ، وتكەن جىلعى قازانعا قاراعاندا 0,8 پايىزعا ارتقان.

جالپى رەيستەر سانى، ونىڭ ىشىندە قونباي ۇشاتىندارى  3,6   پايىزعا - 172862-گە دەيىن وسكەن.

بۇدان باسقا ىشكى رەيستەردەگى جولاۋشىلار 8,3 پايىزعا - 9,747 ميلليون ادامعا دەيىن كوبەيگەن. ال حالىقارالىق رەيستەردەگى جولاۋشىلار اعىنى 15,7 پايىزعا ارتىپ - 8,013 ميلليونعا جەتكەن. اتاپ ايتقاندا، قازاندا جولاۋشىلار اعىنىنىڭ جالپى سانى وتكەن جىلدىڭ وسى ايىمەن سالىستىرعاندا 11,4 پايىزعا ارتىپ، 17,784 ميلليوندى قۇراعان.