تانىمال ساياساتكەر 1638-جىلى جاسالعان قازاق دالاسىنىڭ كارتاسىن جاريالادى

استانا. قازاقپارات - قازاقستاندىق تانىمال ساياساتكەر ەرلان قارين 1638-جىلى قاعازعا تۇسىرىلگەن قازىرگى قازاقستان تەريتورياسى بەلگىلەنگەن كارتانى جاريالادى.

ول بۇنى ا ق ش- قا جاساعان ساپارى بارىسىندا سونداعى مۇراعاتتاردىڭ بىرىنەن قولىنا تۇسىرگەنىن ايتادى.

ساياساتكەر ءوز ولجاسىن الەۋمەتتىك جەلىدەگى پاراقشاسىندا جاريالاپ، بۇل 1638-جىلى فرانكفۋرتتا تۇسىرىلگەنىن ايتقان.

«قاراڭىز، قانداي كەرەمەت نارسەنى تاۋىپ الىپ كەلدىم - ا ق ش- قا ساپار الدىندا، بىرنەشە اي بۇرىن، امەريكاندىق ارىپتەستەر-دوستارىممەن حابارلاسىپ، تاپسىرما بەرىپ، سولاردىڭ كومەگىمەن، قازاقستاننىڭ تاعى ءبىر ەسكى كارتاسىن قولعا ءتۇسىردىم. بۇل كارتا 1638-جىلى فرانكفۋرتتا باسىلعان ەكەن. وسىنىڭ بۇرىن كوپياسى ەدى، ەدى ءتۇپ نۇسقاسى» - دەپ جازادى ەرلان قارين.

كارتادا سول كەزدەگى تاريحي اتاۋلار، «نوعاي»، «اق وردا»، «قازاق-تاتارلار»، «جوڭعاريا» قاتارلى جەر اتاۋلارى مەن تەريتوريالىق كورىنىستەر انىق بەلگىلەنگەن.

الاش مۇراسىنا، جالپى قازاق تاريحىنا ەرەكشە دەن قويىپ جۇرگەن ساياساتكەردىڭ بۇل ولجاسىن جەلى قولدانۋشىلارى جوعارى باعالادى.