استانا بانكىنىڭ مەنەدجەرى 160 ميلليون تەڭگەنى جىمقىرعان
اتالعان كوميتەتتىڭ ەكونوميكالىق تەرگەۋ قىزمەتى ادىلەت مينيسترلىگىنە قاراستى رەسپۋبليكالىق قۇقىقتىق اقپارات ورتالىعىنىڭ شوتىنان 160 ميلليون تەڭگە قاراجاتتى جىمقىرۋ فاكتىسىن اشكەرەلەدى.
«استانا بانكى» ا ق-نىڭ باسقارماسى ءتوراعاسىنىڭ ورىنباسارى ە. ج. ۋۆالەيەۆ 2012 -جىلدىڭ قازان ايىندا رەسپۋبليكالىق قۇقىقتىق اقپارات ورتالىعىنىڭ اتىنان تولەم تاپسىرماسىن قولدان جاساپ، ۇرلانعان قاراجاتتى وزىنە باعىنىشتى كومپانيانىڭ شوتىنا اۋدارعان.
«اتالعان قىلمىستى 6 جىل بويى جاسىرۋعا سول بانكتىڭ مەنەدجەرى ا. ح. جۋندۋگۋلوۆا كومەكتەسىپ كەلگەن. ول اي سايىن رەسپۋبليكالىق قۇقىقتىق اقپارات ورتالىعىنىڭ بۋحالتەرياسىنا ولاردىڭ شوتى بويىنشا جالعان مالىمەتتەر بەرۋ ارقىلى مەملەكەتتىك كاسىپورنىندا وزىنە قاتىستى جاسالعان الاياقتىق تۋرالى بىلۋىنە مۇمكىنشىلىك بولماعان. تەرگەۋ بارىسىندا كۇدىكتىلەر ءوز كىنالارىن مويىنداپ، كەلگەن شىعىندار كولەمىن تولىقتاي وتەدى. تەرگەۋ بارىسىندا كۇدىكتى ە. ج. ۋۆالەيەۆ سوتتىڭ سانكسياسىمەن قاماۋدا بولدى»، - دەلىنگەن حابارلامادا.
نۇر-سۇلتان قالاسىنىڭ №2 -سارىارقا اۋداندىق سوتىنىڭ ۇكىمىمەن ە. ج. ۋۆالەيەۆ پەن ا. ح. جۋندۋگۋلوۆا كىنالى رەتىندە تانىلىپ، قىلمىستىق جاۋاپقا تارتىلعان.