استانادا ەكى جۇمىسشى 15-قاباتتان قۇلاپ مەرت بولدى

استانا. قازاقپارات - ەلوردادا تۇرعىن ءۇي قۇرىلىسى الاڭىندا 2 جۇمىسشى جوعارىدان قۇلاپ قايتىس بولدى، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«2023-جىلعى 10- تامىزدا «الماتى اۋداندىق پوليتسيا ءبولىمىنىڭ كەزەكشى بولىمىنە «A- City» تۇرعىن ءۇي كەشەنىنىڭ قۇرىلىس وبەكتىسىندە بيىكتەن ەكى ادامنىڭ قۇلاعانى تۋرالى حابارلاما كەلىپ ءتۇستى. ا. بايتۇرسىنوۆ كوشەسىندە سالىنىپ جاتقان 20 قاباتتى تۇرعىن ءۇي كەشەنى قاسبەتتىك جۇمىستاردى جۇرگىزۋ كەزىندە مونتاجداۋ كابەلىنىڭ ءۇزىلۋى سالدارىنان 15- قابات بيىكتىكتەن 2 جۇمىسشىنىڭ قۇلاعانى انىقتالدى»، - دەلىنگەن حابارلامادا.

پوليتسيا دەپارتامەنتىنىڭ اقپاراتىنشا، 20 جانە 27 جاستاعى جۇمىسشىلار وقيعا ورنىندا قايتىس بولعان.

«اتالعان فاكتى بويىنشا ق ر قىلمىستىق كودەكستىڭ 277-بابى 3-بولىگى بويىنشا سوتقا دەيىنگى تەرگەۋ ءجۇرىپ جاتىر. بارلىق قاجەتتى ساراپتاما تاعايىندالدى. ق ر قىلمىستىق كودەكسىنىڭ 201- بابىنا سايكەس وزگە اقپارات جاريالاۋعا جاتپايدى»، - دەيدى ۆەدومستۆودان.