سوڭعى ەكى اپتادا كوروناۆيرۋس جۇقتىرۋ كورسەتكىشى 15 پايىزعا ءوستى - ايجان ەسماعامبەتوۆا
«رەسپۋبليكامىز بويىنشا ەپيدەميولوگيا جاعداي تۇراقتى. ءبىراق سوڭعى 2 اپتادا سىرقاتتانۋ دەڭگەيىنىڭ وسكەنى بايقالىپ وتىر. تاۋلىگىنە 120 جاعدايعا دەيىن تىركەلۋدە. الدىڭعى اپتامەن سالىستىرعاندا، سوڭعى اپتادا سىرقاتتانۋ دەڭگەيى %15 عا ءوستى. ەپيدەميولوگيالىق جاعدايدى باعالاۋ ماتريتساسىنا سايكەس، رەسپۋبليكانىڭ بارلىق ايماقتارى «جاسىل ايماقتا» تۇرعانىنا قاراماستان، 14 وڭىردە R كورسەتكىشى جوعارى. بۇل اۋرۋدىڭ تارالۋىن كورسەتىپ وتىر. رەسپۋبليكادا ءجىتى رەسپيراتورلىق ۆيرۋستىق ينفەكتسيا جانە تۇماۋ بويىنشا ەپيدەميولوگيالىق ماۋسىم جالعاسۋدا. ەپيدەميولوگيالىق ماۋسىم باستالعاننان بەرى ج ر ۆ ي-دى جۇقتىرۋدىڭ 3 ميلليون 400 مىڭنان استام جاعدايى تىركەلدى. ال تۇماۋدىڭ 3 مىڭنان استام جاعدايى انىقتالدى»، - دەدى باس مەملەكەتتىك سانيتارلىق دارىگەر ورتالىق سايلاۋ كوميسسياسىندا سويلەگەن سوزىندە.
ونىڭ ايتۋىنشا، سىرقاتتانۋ دەڭگەيى وتكەن جىلدىڭ سايكەس كەزەڭىمەن سالىستىرعاندا %30 عا وسكەن. ەلىمىز بويىنشا سوڭعى 2-3 اپتادا ج ر ۆ ي جۇقتىرۋ 1,6 ەسە ارتقان.
وسىعان بايلانىستى ايجان ەسماعامبەتوۆا سايلاۋالدى ۇگىت-ناسيحات كەزىندە ج ر ۆ ي مەن كوروناۆيرۋس ينفەكسياسىن جۇقتىرۋ جيىلەگەن وڭىرلەردە ساقتىق شارالارىن قاتاڭ ساقتاۋعا شاقىردى.
