زەلەنسكي 15-ناۋرىزدا رەسەي- ۋكراينا كەلىسسوزدەرىنىڭ جالعاساتىنىن حابارلادى
ول ەۋروپالىق كوميسسيانىڭ باسشىسى ۋرسۋلا فون دەر ليايەنمەن، پولشا پرەزيدەنتى اندجەي دۋدامەن، ليۋكسەمبۋرگ پرەمەر- ءمينيسترى كساۆە بەتتەلمەن سويلەسكەنىن حابارلادى.
«ءوزارا تۇسىنىستىك %100 عا ارتتى. يزرايل پرەمەر- ءمينيسترى (نافتالي) بەننەتپەن اڭگىمە دە بۇل سوعىستى تەزىرەك جانە ادال اياقتاۋ ءۇشىن كەلىسسوزدەر جۇرگىزۋدىڭ ءبىر بولىگى رەتىندە ماڭىزدى بولدى. ءبىزدىڭ دەلەگاتسيا رەسەي تاراپىمەن كەلىسسوزدەردە دە وسى باعىتتا جۇمىس ىستەدى. ماعان حابارلانعانداي ازىرگە جامان ەمەس، ءبىراق ءبىراز كورەيىك. ەرتەڭ جالعاسادى»، - دەدى زەلەنسكي.
دۇيسەنبىدە ونلاين فورماتتا رەسەي مەن ۋكراينا دەلەگاتسيالارى اراسىنداعى كەلىسسوزدەر ءوتتى. ۋكراينا پرەزيدەنتى كەڭسەسى باسشىسىنىڭ كەڭەسشىسى ميحايل پودولياكتىڭ ايتۋىنشا، رەسەي فەدەراتسياسى مەن ۋكراينا دەلەگاتسيالارىنىڭ كەلىسسوزدەرىندە سەيسەنبىگە دەيىن تەحنيكالىق ءۇزىلىس جاسالدى.
24-اقپاندا رەسەي پرەزيدەنتى ۆلاديمير پۋتين دونباسس رەسپۋبليكالارى باسشىلارىنىڭ كومەك سۇراعان ۇندەۋىنە جاۋاپ رەتىندە ۋكراينادا ارنايى اسكەري وپەراتسيا جۇرگىزىلەتىنىن حابارلادى. ول ماسكەۋدىڭ جوسپارلارىندا ۋكراينا اۋماقتارىن وككۋپاتسيالاۋ جوق ەكەنىن، ماقسات ەلدى دەميليتاريزاتسيالاۋ جانە ۇلتسىزداندىرۋ ەكەنىن اتاپ ءوتتى.