سۋ تاسقىنىنان 15 ادام قازا تاپتى

نۇر-سۇلتان. قازاقپارات - مالايزيانىڭ باتىسىنداعى قاتتى سۋ تاسقىنىنان قازا تاپقاندار سانى 15-كە جەتتى، 67 مىڭعا جۋىق ادام ۇيلەرىن تاستاپ كەتۋگە ءماجبۇر بولدى.

بۇل تۋرالى BERNAMA اگەنتتىگى حابارلادى. ەڭ كوپ زارداپ شەككەندەر مەن قيراۋلار حالىق تىعىز ورنالاسقان سەلانگور شتاتىندا بايقالدى، ادام ولىمىنە اكەلگەن اۋىر شىعىندار پاحانگ شتاتىندا دا تىركەلدى. مالايزيا پرەمەر-ءمينيسترى يسمايل سابري ياكوب سۋ تاسقىنى سالدارىنان قيراعان ينفراقۇرىلىم مەن تۇرعىن ءۇي قورىن قالپىنا كەلتىرۋگە 100 ميلليون رينگگيت (23,6 ميلليون دوللار) بولىنەتىنىن جاريالادى. سونداي-اق، ول اپات سالدارىنان زارداپ شەككەن ءاربىر وتباسى مىڭ رينگگيت (236 دوللار) كولەمىندە وتەماقى الاتىنىن ايتتى.

جەرگىلىكتى مەتەورولوگيالىق قىزمەتتەردىڭ باعالاۋىنشا، مالايزيانىڭ باتىس بولىگىندە ءبىر اپتاعا جۋىق جاۋعان جاۋىن سوڭعى 100 جىلداعى ەڭ اۋىرى بولعان.