11:09, 12 - قازان 2021 | GMT +6
قىتايداعى سۋ تاسقىنى سالدارىنان 15 ادام قازا تاپتى
بەيجىڭ. قازاقپارات - قىتايدىڭ سولتۇستىگىندەگى شانسي پروۆينتسياسىندا نوسەر جاۋىننان بولعان سۋ تاسقىنى سالدارىنان كەم دەگەندە 15 ادام قازا تاۋىپ، تاعى ۇشەۋى ءىز- ءتۇزسىز جوعالدى.
بۇل تۋرالى سەيسەنبى كۇنى وتكەن بريفينگ كەزىندە شانسي پروۆينتسياسىنىڭ بيلىگى مالىمدەدى، دەپ حابارلايدى قازاقپاراتتىڭ مەنشىكتى ءتىلشىسى.
قىتايدىڭ سولتۇستىگىندەگى شانسي پروۆينتسياسىندا 2-7 قازان ارالىعىندا جاۋعان نوسەر جاۋىن سالدارىنان اۋقىمدى سۋ تاسقىنى ءجۇرىپ، 120 مىڭنان استام جەرگىلىكتى تۇرعىندى ەۆاكۋاتسيالاۋعا تۋرا كەلگەن. 1,7 ميلليون استام ادام جوعارى قاۋىپ ايماعىندا قالعان. الدىن الا ەسەپ بويىنشا، 19,5 مىڭ قۇرىلىس قيرالىپ، 18,2 مىڭنان استام تۇرعىن ءۇي بۇلىنگەن.
تىكەلەي ەكونوميكالىق شىعىن 5 ميلليارد استام يۋاندى قۇراعان. شانسي پروۆينتسياسىندا نورمادان تىس جاۋعان جاڭبىر سالدارىنان 37 وزەننىڭ سۋى تاسىپ، اۆتوموبيل جانە تەمىرجول قاتىناسى توقتاپ قالعان.