قازاقپارات كۇنتىزبەسى: 15- ناۋرىز

اتاۋلى كۇندەر

بۇكىل الەمدىك تۇتىنۋشى قۇقىعىن قورعاۋ كۇنى

1961-جىلعى 15- ناۋرىزدا ا ق ش كونگرەسىندە پرەزيدەنت دجون كەننەدي ءسوز سويلەپ، «تۇتىنۋشى» ۇعىمىنا انىقتاما بەرىپ ءوتتى. سونداي-اق تۇتىنۋشىلاردىڭ نەگىزگى ءتورت قۇقىعىن اتادى:

1. قاۋىپسىزدىك قۇقىعى، 2. تاڭداۋ قۇقىعى، 3. اقپارات الۋ قۇقىعى، 4. شاعىمدانا الۋ قۇقىعى.

كەيىن اتالمىش ءتورت قۇقىق الەمنىڭ كوپتەگەن ەلدەرىنىڭ زاڭناماسىندا كورىنىس تاپتى.

حالىقارالىق پوليتسيا قاتىگەزدىگىنە قارسى كۇرەس كۇنى

العاش رەت 1997-جىلى اتاپ ءوتىلدى. وعان مونرەالدىق «پوليتسيا قاتالدىعىنا قارسى ارەكەت ۇجىمى» جانە «قارا جالاۋ» شۆەيتساريالىق توبى باستاماشىلىق ەتتى.

حالىقارالىق ءدىلمارلىق (ءسوز سويلەۋ) كۇنى

وسىنداي اتاۋلى كۇندى بەلگىلەۋ تۋرالى يدەيا العاش رەت 2015-جىلى افينى دەموكراتيا فورۋمىندا كانادالىق ساياساتكەر سايمون گيبسون كوتەرگەن. ول قازىرگى زامانداعى جانە تاريحتاعى شەشەندەر، مىقتى ءسوز سويلەگەندەر تۋرالى بازا جاساۋمەن اينالىسىپ جۇرگەن كەزى ەكەن.

سول جۇمىسى بارىسىندا ول بۇقارا الدىندا ءسوز سويلەيتىندەردىڭ الەمدى جاقسى جاعىنا وزگەرتە الاتىن كۇشى بار ەكەنىن ءتۇسىنىپ، ەندەشە بۇنى اتاپ وتۋگە لايىقتى كۇن بولۋى ءتيىس دەگەن شەشىمگە كەلگەن.

باستى ماقسات - وزەكتى تاقىرىپقا قاتىستى بۇقارا الدىندا ءسوز سويلەۋدىڭ الەمدى وزگەرتۋگە، جەكەلەگەن ادامدار توبىنىڭ، ءتىپتى تۇتاستاي ۇلتتىڭ ءومىرىن وزگەرتۋگە بولاتىنىن حالىققا كورسەتۋ.

حالىقارالىق يتبالىق شاباقتارىن قورعاۋ كۇنى

جىل سايىن الەمنىڭ كوپتەگەن ەلدەرىندە اتاپ وتىلەدى. حالىقارالىق جانۋارلاردى قورعاۋ قورى IFAW- نىڭ باستاماسىمەن ورناتىلدى.

ەستە قالار وقيعالار

1922-جىلى پاۆلودار قالاسىنان سولتۇستىك-شىعىسقا قاراي 15 ك م جەردە «مويىلدى» كۋرورتتىق ساناتوريى اشىلدى. ول قۇلىندى دالاسىندا، تۇزدى مويىلدى كولىنىڭ جاعالاۋىندا ورنالاسقان.

1991 -جىلى قازاق ك سر پرەزيدەنتىنىڭ جارلىعىمەن ناۋرىز مەيرامى رەسمي مەرەكە رەتىندە بەكىتىلدى.

1999 -جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ «ق ر مەملەكەتتىك قۇپيالارىن قورعاۋ جونىندەگى اگەنتتىگى تۋرالى» جارلىعى شىقتى.

2002 -جىلى قازاقستان رەسپۋبليكاسى ۇكىمەتىنىڭ قاۋلىسىمەن اكتيۆتەرى 3,3 ميلليارد دوللارعا باعالانعان ءىرى اكتسيونەرلىك قوعامداردىڭ ءبىرى «قازاقستان تەمىر جولى» ۇلتتىق كومپانياسى» ا ق قۇرىلدى.

2010 -جىلى قازاقستاندا «Al Hilal» العاشقى يسلام بانكى اشىلدى. «Al Hilal» بانكى قازاقستان مەن بىرىككەن اراب امىرلىكتەرىنىڭ ۇكىمەتتەرى اراسىنداعى كەلىسىم ناتيجەسىندە قۇرىلعان.

يسلامدىق قارجى جۇيەسىن جۇزەگە اسىرۋ ءۇشىن ەلىمىزدەگى ازاماتتىق جانە سالىق كودەكستەرىنە، بانك قىزمەتتەرىن قاداعالايتىن نورماتيۆتىك-قۇقىقتىق اكتىلەرگە ءبىرقاتار وزگەرىستەر مەن تۇزەتۋلەر ەنگىزىلدى.

2014 -جىلى ماجارستان پرەزيدەنتى يانوش ادەر بەلگىلى قازاق سۋرەتشىسى، «قىرىم ارالى» عىلىمي-قالپىنا كەلتىرۋ زەرتحاناسىنىڭ نەگىزىن قالاۋشى جانە ونىڭ باسشىسى، ق ر سۋرەتشىلەر وداعىنىڭ مۇشەسى، ق ر سۋرەتشىلەر اكادەمياسىنىڭ اكادەميگى قىرىم التىنبەكوۆتى مادەني-تاريحي مۇرانى ساقتاۋعا سىڭىرگەن زور ەڭبەگى ءۇشىن «رىتسارلىق كرەست» وردەنىمەن ماراپاتتادى.

2016 -جىلى بۋحارەستە (رۋمىنيا) ەۋروپا كونفەرەنتسياسى اياسىندا قازاقستاننىڭ 20000 تەڭگەلىك بانكنوتاسى وڭىرلىك بانكنوتالار حالىقارالىق كونكۋرسىندا ديزاينى جانە قورعالۋ دەڭگەيى بويىنشا ۇزدىك دەپ تانىلدى. جاڭا بانكنوتا - قازاقستان تەڭگەلەرىنىڭ اراسىندا جانە الەمدەگى ەڭ جاقسى قورعالعان بانكنوتا.

2016 -جىلى الماتىدا اباي اتىنداعى مەملەكەتتىك اكادەميالىق وپەرا جانە بالەت تەاترى جانىنان تەاتر مۋزەيى اشىلدى. وندا تەاتردىڭ نەگىزىن قالاۋشىلاردىڭ قىزمەتىنە بايلانىستى سيرەك كەزدەسەتىن مۇراعاتتىق فوتوقۇجاتتار، وتكەن عاسىردىڭ 40-جىلدارىندا اباي اتىنداعى م ا و ب ت- ىندا ونەر كورسەتكەن بەلگىلى ارتىستەردىڭ 15 تەاترلىق كوستيۋمى ۇسىنىلدى.

ەسكيزدەر مەن افيشالار زالىندا كەلۋشىلەر وتكەن عاسىردىڭ 30-جىلدارىنان باستاپ تەاتردىڭ اتاقتى قويىلىمدارىنىڭ 40 تان استام راريتەتتى افيشاسىن، سونداي-اق كوستيۋمدەر مەن دەكوراتسيالاردىڭ ەسكيزدەرىن كورە الادى.

2017 -جىلى قازاقستاندىق بوكسشى گەننادي گولوۆكيننىڭ سۋرەتى 1909-جىلدان بەرى شىعاتىن تانىمال Boxing News جۋرنالىنىڭ ءبىرىنشى بەتىنە باسىلدى. جۋرنالدىڭ سول ءنومىرى بىلعارى قولعاپ شەبەرىنىڭ امەريكالىق دەنيەل جەيكوبسقا قارسى نيۋ يوركتەگى MSG ارەناسىندا 18- ناۋرىزدا وتكەن كەزدەسۋىنە ارنالدى.

2018 -جىلى مەملەكەت باسشىسى نۇرسۇلتان نازاربايەۆ وزبەكستان پرەزيدەنتى شاۆكات ميرزيەيەۆتى I دارەجەلى «دوستىق» وردەنىمەن ماراپاتتادى.

2018 -جىلى قازاقستان پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شاۆكات ميرزيەيەۆ قازاقستان رەسپۋبليكاسىندا وزبەكستان جىلىنىڭ اشىلعانىن جاريالادى.

2018 -جىلى ناۋرىز مەرەكەسىنە وراي ورتالىق ازيا مەملەكەتتەرى باسشىلارىنىڭ بىرلەسكەن مالىمدەمەسى قابىلداندى. وندا قازاقستان رەسپۋبليكاسى، قىرعىز رەسپۋبليكاسى، تاجىكستان رەسپۋبليكاسى، تۇرىكمەنستان مەن وزبەكستان رەسپۋبليكاسىنىڭ پرەزيدەنتتەرى ورتالىق ازيا حالىقتارىن، سونداي-اق الەمنىڭ بارلىق حالىقتارىن قۇتتىقتاي كەلە بەيبىتشىلىك پەن بەرەكە، مولشىلىق پەن قۋانىش، پروگرەسس پەن گۇلدەنۋ تىلەدى.

2019 -جىلى تاشكەنت قالاسىندا ايماق ەلدەرى ۇكىمەتتەرى وكىلدەرىنىڭ قاتىسۋىمەن العاشقى ورتالىق ازيا ەكونوميكالىق فورۋمى (و ا ە ف) ءوتتى. قازاقستان دەلەگاتسياسىن ق ر پرەمەر-ءمينيسترىنىڭ ورىنباسارى جەڭىس قاسىمبەك باستادى. العاشقى و ا ە ف تاقىرىبى «ورتالىق ازيالىق قاۋىمداسۋ: ءوزارا ءتيىمدى دامۋ كەلەشەگى» بولدى.

2020 -جىلى دۇنيەجۇزىلىك دەنساۋلىق ساقتاۋ ۇيىمىنىڭ COVID-19 جاڭا كوروناۆيرۋسىن پاندەميا دەپ اتاۋىنا بايلانىستى، قازاقستان رەسپۋبليكاسىنىڭ بۇكىل اۋماعىنداعى ازاماتتاردىڭ ءومىرى مەن دەنساۋلىعىن قورعاۋ ماقساتىندا ەلدە 2020-جىلعى 16- ناۋرىزدا، ساعات 8:00 دەن باستاپ 2020-جىلعى 15- ءساۋىر كۇنگى ساعات 7:00-گە دەيىن توتەنشە جاعداي ەنگىزىلدى.