الداعى ءۇش كۇندە اۋا رايى 15 گرادۋسقا دەيىن جىلىنادى

نۇر-سۇلتان. قازاقپارات - سينوپتيكتەر 4-6 - اقپان ارالىعىندا اۋا رايى قانداي بولاتىنىن ايتتى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

قازاقستانعا جىلجىپ كەلە جاتقان وڭتۇستىك تسيكلون مەن اتموسفەرالىق فرونتتاردىڭ اسەرىنەن كوپتەگەن وبلىستاردا قايتادان جاۋىن-شاشىن، جىلبىسقى قار جاۋادى. سولتۇستىك، ورتالىق جانە شىعىس وبلىستاردا قار جاۋىپ، بوران سوعادى. كۇشتى ەكپىندى جەل تۇرىپ، كوكتايعاق بولادى.

جىلى اۋا ماسسالارىنان وڭتۇستىك پەن باتىستا اۋا تەمپەراتۋراسى ايتارلىقتاي جوعارىلايدى.

ال الداعى تاۋلىكتەردە تەمپەراتۋرانىڭ جىلىمىققا دەيىن كوتەرىلۋى قازاقستاننىڭ قالعان ايماقتارىندا دا باستالادى.

سولتۇستىك، ورتالىق جانە شىعىس وبلىستاردا كۇندىزگى تەمپەراتۋرا مينۋس 5 - پليۋس 5° گرادۋسقا دەيىن، وڭتۇستىك جانە باتىستا پليۋس 3…8° گرادۋس بولادى. قيىر وڭتۇستىكتە پليۋس 15° گرادۋسقا دەيىن بولجانىپ، ورتاشا كوپجىلدىق ماننەن 5…14° گرادۋسقا جوعارى بولادى.