استانادا ەگدە جاستاعى 15 جۇپ نەكەگە تۇردى

None
None
استانا. قازاقپارات - بيىل استانادا 60 جانە ودان جوعارى جاستاعى 15 جۇپ نەكەلەرىن زاڭداستىرعان، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

جەرگىلىكتى ا ح ا ت قىزمەتىنەن ءمالىم ەتكەندەي، ۇستىمىزدەگى جىلدىڭ 1 - قاڭتارىنان باستاپ 30 - قىركۇيەككە دەيىن استانادا 60 جانە ودان جوعارى جاستاعى 15 جۇپ قارىم- قاتىناستارىن زاڭداستىرعان.

ەڭ جوعارى جاستاعى جۇپ ەسىل اۋدانىندا شاڭىراق قۇرعان. ا ح ا ت ماماندارى وتاعاسىنىڭ 74 جاستا، ال جۇبايىنىڭ 69 جاستا ەكەندىگىن ايتۋدا.

 سارى ارقا اۋدانىندا تۇراتىن 69 جاستاعى ەرلى- زايىپتىلار ەگدە جاستا ۇيلەنگەندەردىڭ تىزىمىندە ەكىنشى ورىندا تۇر. ا ح ا ت قىزمەتكەرلەرىنىڭ ايتۋىنشا، ولار نەكەگە تۇرۋعا ۇزاق ۋاقىت ويلانعان. قارىم- قاتىناستارىن زاڭداستىرۋعا تۋعان- تۋىستارى مەن جاقىندارىنىڭ ۇگىتتەۋى سەبەپ بولعان.

«ءبىز كۇن سايىن ءتۇرلى جاستاعى، ءتۇرلى ادامداردى كورەمىز. جاسى ەگدە ادامدار مۇندا كوتەرىڭكى كوڭىل- كۇيمەن كەلەدى. ۇقىپتى كيىنىپ كەلىپ، قۋانىشتان جۇزدەرى بال- بۇل جانىپ تۇرادى»، - دەيدى سارى ارقا اۋداندىق ا ح ا ت ءبولىمىنىڭ باسشىسى باقىتگۇل شايكەنوۆا.

ايتا كەتەيىك، 1 - قازان كۇنى بۇكىل الەم بويىنشا قارتتار كۇنى تويلانادى. ب ا ق مالىمەتىنشە، قازاقستاندا 2 ميلليونعا جۋىق زەينەتكەر بار.

سوڭعى جاڭالىقتار