ءمايىتتىڭ قاسىندا سەلفي جاساعان 15 جاسار قوس قۇربى ءومىر بويىنا باس بوستاندىعىنان ايىرىلدى

استانا. قازاقپارات - انگلياداعى ليدس قالاسىنىڭ سوتى 15 جاستاعى ەكى ءجاسوسپىرىم قىزعا 39 جاستاعى ايەلدى ازاپتاپ، ولتىرگەنى ءۇشىن ءومىر بويى باس بوستاندىعىنان ايىرۋ جازاسىن كەستى، دەپ حابارلادى bbc.

2014 -جىلعى جەلتوقساندا انگليانىڭ سولتۇستىك- باتىسىنداعى حارتلپۋل قالاسىندا پوليتسيا ءوز ۇيىنەن اندجەلا رايسوننىڭ مۇردەسىن تاپتى.

ونىڭ دەنەسىنە جۇزدەگەن ءتۇرلى جاراقاتتار سالىنعان، ونىڭ 80 گە جۋىعى مارقۇمنىڭ بەت- جۇزىندە بولعان، كۇدىكتى رەتىندە ەكى جاس قىز ۇستالدى.

اتاپ وتىلگەندەي، قازا تاپقان ايەل ىشىمدىككە سالىنعان. كەيدە جاسوسپىرىمدەرگە ىشىمدىك ساتىپ الىپ بەرەتىن دە بولعان، ءبىراق ونى بىلەتىن ادامدار ايەلدىڭ مومىن ادام بولعانىن ايتادى.

پوليتسيانىڭ دەرەكتەرىنشە، جاسوسپىرىم قىزدار ونى ولتىرگەن كەزدە ماس بولعان. ولار ۇرىپ- سوعۋ كەزىندە 14 ءتۇرلى زاتتى پايدالانعان، ونىڭ ىشىندە كۇرەك پەن پرينتەر دە بار.

وتىرىس بارىسىندا سۋديا انجەلا رايسوندى بىرنەشە ساعات بويى ۇرىپ-سوققانىن مالىمدەدى. ولار ءتىپتى قۇرباندارىمەن سەلفي دە جاساعان.