جاقسى ۇيىقتاۋعا ارنالعان 15 كەڭەس
سونىمەن، جاقسى تىنىعۋ ءۇشىن قاجەت 15 كەڭەس قانداي؟
1. ۇيىقتار الدىندا كىتاپ وقىماڭىز، تەلەديدار كورمەڭىز
ەگەر ۇيىقتار الدىندا تەلەديدار كورۋ نەمەسە كىتاپ وقۋ تەز ۇيىقتاۋعا كومەكتەسەدى دەپ ويلاساڭىز، قاتەلەسەسىز. كىتاپ وقىپ نەمەسە تەلەديدار كورگەننەن كەيىن ءسىزدىڭ ميىڭىز بىرنەشە ساعات بويى دەمالمايدى. سول سەبەپتى، ءتاتتى ۇيقىعا كەتۋ ءۇشىن دە تاعى ءبىراز ۋاقىت جوعالتاسىز. اسىرەسە، تۇنىمەن ۇيىقتاي المايتىن دەرتكە ۇشىراعان جاندار ءۇشىن ۇيىقتار الدىندا تەلەديدار كورگەن قاۋىپتى.
2. ۇيقىڭىز كەلگەندە عانا جاستىققا باس قويىڭىز
جاقسى ۇيىقتاپ، دەنساۋلىعىڭىزدى ءبىر قالىپتا ساقتاۋ ءۇشىن اعزاڭىز شارشاپ، شىنىمەن ۇيىقتاعىڭىز كەلگەندە عانا دەمالىڭىز. ەشقاشان دا، «ۇيىقتايتىن ۋاقىت بولدى» دەپ جاتىپ قالماڭىز. ەگەر ءسىز ساعات 9 دا جاتىپ، تۇنگى 12 گە دەيىن ۇيىقتامايتىن بولساڭىز، بۇل دەنساۋلىعىڭىزعا زيانىن تيگىزەدى. سونىمەن قاتار، ۇيقى رەجيمى بۇزىلعان سوڭ، ءبىراز ۋاقىتىڭىزدى جوعالتاسىز.
3. ۇيىقتار الدىندا بەلسەندى قيمىلداۋدان باس تارتىڭىز
ماماندار كەشتىڭ ەكىنشى بولىگىندە بەلسەندى قيمىلداۋدان باس تارتۋ كەرەكتىگىن ايتادى. ەرتەڭگى كۇننىڭ جوسپارلارى مەن ءتۇرلى ماسەلەلەردى ۇيىقتاردان ءبىر جارىم ساعات بۇرىن تالقىلاعانىڭىز ءجون. بۇل ۋاقىت اعزانىڭ تىنىعۋى ءۇشىن جەتكىلىكتى. وسىدان سوڭ، جاقسى ۇيىقتايتىنىڭىزعا تولىق كەپىلدىك بار.
4. تىنىس الۋ جاتتىعۋلارىن ورىنداڭىز
كوپتەگەن مەديتسينا ماماندارىنىڭ پىكىرىنشە، تىنىس الۋ جاتتىعۋلارىن ورىنداۋ جاقسى ۇيىقتاۋدىڭ كەپىلى. مۇنداي جاتتىعۋلار ءتاتتى ۇيقىعا دايىندىق ەسەبىندە ورىندالادى. سونىمەن قاتار، شارشاعانىڭىزدى باسىپ، جاقسى تىنىعۋعا اسەرىن تيگىزەدى. ماماندار پىكىرىنە سەنسەك، جاتار الدىندا كەرىلىپ-سوزىلۋ دەنساۋلىققا وتە پايدالى.
5. ەركىن دەمالاتىن ىستەرمەن شۇعىلدانىڭىز
كەرەۋەت - جاقسى ۇيىقتاپ، دەمالاتىن ورىن. ەگەر ءسىزدىڭ 15-20 مينۋت بويى ۇيقىڭىز كەلمەسە، باسقا نارسەمەن اينالىسۋ كەرەك. مىسالى، ءوزىڭىزدى تىنىشتاندىراتىن ىسپەن اينالىسساڭىز، بۇل جاقسى ۇيىقتاۋعا اسەرىن تيگىزەدى.
6. جاتار الدىندا ۇيىقتايتىن بولمەنىڭ اۋاسىن تازارتىپ الىڭىز
جاقسى دەمالۋ ءۇشىن تازا اۋا قاجەتتىگى بارىنە بەلگىلى جايت. سوندىقتان، كۇن سايىن ۇيىقتايتىن بولمەنى جەلدەتىپ الۋ كەرەك. ونىڭ ۇستىنە، جاتىن بولمەدەگى اۋا تازا بولعان سايىن، سالقىنىراق بولاتىنىن ۇمىتپاڭىز. ال ءدال وسىنداي جاعداي ءسىزدىڭ ءتاتتى ۇيقىعا تەز بەرىلۋىڭىزگە كومەكتەسەدى.
7. قوي ساناۋدىڭ قاجەتى جوق
ۇلكەندەر جاعىنىڭ ۇيقىسى كەلمەسە قوي نەمەسە ءپىل سانايتىن ادەتى بار. ال شىن مانىندە مۇنىڭ ۇيقىعا ەش اسەرى جوق. ەگەر دۇرىستاپ باعامداساڭىز، ساناۋعا كىرىسكەن سوڭ، مي كۇندىزگى ۋاقىتتاعى سەكىلدى، بەلسەندى جۇمىس ىستەيدى. بۇل ءسىزدىڭ تەزىرەك ۇيىقتاۋىڭىزعا اسەر ەتپەيدى. سوندىقتان، جاتار الدىندا ەشتەڭە ساناماعان ءجون.
8. كەشكىسىن سپورتپەن شۇعىلدانباڭىز
ۇيىقتار الدىندا فيزيكالىق تۇرعىدا بەلسەندى قيمىلداۋ ۇيقىعا كەرى اسەر ەتەتىنىن پسيحولوگتار باياعىدا دالەلدەدى. اعزا تۇگەلدەي بەلسەندى جۇمىسقا كىرىسكەن سوڭ، ۇيقىنىڭ اۋىلى الىستاپ كەتەدى. ەگەر ءسىز كەشكىسىن جۇگىرىپ كەلۋدى ادەتكە اينالدىرساڭىز، بۇل جاتتىعۋدى ۇيىقتاردان 2-3 ساعات بۇرىن ورىنداعان دۇرىس. اعزا دەمالىپ، ۇيىقتار الدىندا قانداي دا ءبىر قيىندىق بولماۋ ءۇشىن بۇل ۋاقىت جەتكىلىكتى.
9. ۇيىقتار الدىندا كوپ تاماق جەمەڭىز
ۇيىقتار الدىندا ەشقاشان كوپ تاماق جەۋگە بولمايدى. مەيىلىنشە، جاتاردان 2-3 ساعات بۇرىن تاماقتانعان ءجون. وسى ۋاقىت ارالىعىندا اسقازانداعى اس قورىتىلىپ، اعزا دەمالۋعا دايىن بولادى. ەگەر قارنىڭىزدى تويدىرىپ الىپ، ۇيىقتاۋعا بەت الساڭىز، اعزا ءبىر ءتۇننىڭ ىشىندە تولىققاندى قالپىنا كەلمەيدى دە، كەلەسى كۇنى ءوزىڭىزدى جايسىز سەزىنەسىز.
10. كۇندىز قالعىماڭىز
كۇندىزگى ۋاقىتتا قالعىپ كەتۋ اركىمدە بار ادەت. الايدا، مەيىلىنشە بۇل ادەتتەن قۇتىلۋعا تىرىسىڭىز. سەبەبى، كۇندىز قالعىعان تۇندە جاقسى ۇيىقتاۋعا كەرى اسەر ەتەدى. اعزا ميعا دەمالىپ، ۇيىقتايتىن ۋاقىت بولعانى جونىندە سيگنال بەرەدى. ال بۇل بار بولعانى قالعۋ بولعان سوڭ، تەز ءۇزىلىپ قالادى. سول سەبەپتى، كەشكىسىن ۇيىقتاۋ ءسىز ءۇشىن ۇلكەن قيىندىق تۋدىرماق.
11. ءوزىڭىزدى قيناپ ۇيىقتاۋعا تىرىسپاڭىز
كەيدە ءتۇن ورتاسىندا ويانىپ كەتىپ، قايتادان ۇيىقتاي المايتىن كەزدەر بولادى. مۇنداي ۋاقىتتا ءوزىڭىزدى قيناپ ۇيىقتاۋعا تىرىسپاڭىز. ماماندار مۇنداي كەزدە توسەكتەن تۇرىپ، باسقا تىنىشتاندىراتىن شارۋامەن اينالىسۋ دۇرىستىعىن ايتادى. تەك شارشاپ، ۇيقىڭىز كەلگەندە عانا قايتادان جاستىققا باس قويىڭىز.
12. جاتار الدىندا الكوگولدى ءونىم قابىلداماڭىز جانە شىلىم شەكپەڭىز
شىلىم جانە الكوگول ءسىزدىڭ دەنساۋلىعىڭىزعا عانا ەمەس، جاقسى ۇيىقتاۋىڭىزعا دا كەرى اسەر ەتەدى. سونداي-اق، جاتار الدىندا كوفە ىشپەگەنىڭىز ءجون. بۇل زاتتاردىڭ بارلىعى ميدىڭ بەلسەندى جۇمىس ىستەۋىنە اكەلەدى. سوندىقتان، ۇيىقتاپ كەتۋ قيىندىق تۋدىرادى. كوپشىلىكتىڭ پىكىرىنشە، الكوگول ونىمدەرىن قابىلداعان سوڭ، ۇيىقتاپ كەتۋ وڭاي سەكىلدى كورىنەدى. الايدا، بۇل پىكىر دۇرىس ەمەس. كەرىسىنشە، ءدال وسى قالىپتا ۇيىقتاۋ ءسىزدىڭ دەنساۋلىعىڭىزعا كەرى اسەرىن تيگىزەدى.
13. قورقىنىشتى تۇستەردەن قورىقپاڭىز
كەيدە ءتۇن ىشىندە قورقىنىشتى تۇستەن ويانىپ كەتەتىن كەزدەر ءبارىمىزدىڭ ومىرىمىزدە كەزدەسەدى. بۇل جاعدايدا، ءتۇستى جاقسىعا جورىپ جاتىڭىز.
14. جان دۇنيەڭىزدى تىنىشتاندىراتىن اۋەندەر تىڭداڭىز
ەگەر تەزىرەك ۇيقىڭىز كەلگەنىن قالاساڭىز، مۋزىكا تىڭداعان دۇرىس. بۇل جەردە اڭگىمە اسىقپاي ورىندالاتىن اۋەندەر تۋراسىندا. اسىرەسە، ۇيىقتار الدىندا كلاسسيكالىق اۋەندەر تىڭداۋعا كەڭەس بەرەمىز. بۇل اعزانىڭ دەمالۋى مەن ءسىزدىڭ جاقسى ۇيىقتاۋىڭىزعا كوپ كومەكتەسەدى. ەگەر ءسىز مۇنداي اۋەندەردى اۋتوترەنينگپەن بايلانىستىرساڭىز، اسەرى جاقسىراق بولادى.
15. ءبىر شاي قاسىق بالدان باس تارتپاڭىز
بالدىڭ ادام اعزاسىن بوساڭسىتىپ، ۇيقى شاقىراتىن قۇرال رەتىندە قولدانىلاتىنى باعزى زاماننان بەرى بەلگىلى. سول سەبەپتى، ۇيىقتاردان جارتى ساعات بۇرىن ءبىر ستاكان بال قوسىلعان جىلى سۋ ىشكەن ءجون. مۇنداي سۋسىن جاقسى ۇيىقتاۋعا عانا ەمەس، جۇيكە جۇيەسىن قاتايتۋعا كومەكتەسەدى.
