تۋ-154 ۇشاعى قۇلاعان اۋماقتىڭ العاشقى سۋرەتتەرى جاريالاندى - فوتو
سۋرەتتەردى НТВ ءوزىنىڭ فەيسبۋكتەگى پاراقشاسىنا سالعان. وندا قۇتقارۋشىلار ۇشاق قۇلاعان قارا تەڭىزدەن قازا تاپقانداردىڭ دەنەلەرىن الىپ شىعۋدا.
ر ف قورعانىس مينيسترلىگىنىڭ ۇشاعى سيرياداعى رەسەيدىڭ اۋە-عارىش كۇشتەرى ورنالاسقان حمەيميم بازاسىنا بەت العان بولاتىن.
سوچي ماڭىنداعى ۇشاق قۇلاعان اۋماقتاعى ىزدەۋ-قۇتقارۋ وپەراتسياسى ءالى جالعاسىپ جاتىر.
رەسەي قۇقىق قورعاۋ ورگاندارى قىلمىستىق ءىس اياسىندا ۇشاقتىڭ قۇلاۋ سەبەبىن انىقتاۋ ۇستىندە.
قازىرگى تاڭدا اپاتتىڭ سەبەبىن انىقتاپ، قازا تاپقانداردىڭ تۋىستارىنا كومەك كورسەتۋ ماسەلەسى قاراستىرىلىپ جاتىر.
رەسەي قورعانىس مينيسترلىگىنىڭ رەسمي سايتىنداعى مالىمەت بويىنشا، اسكەري ۇشاقتىڭ بورتىندا سيرياداعى اۋە بازاسىندا كونسەرت قويۋعا اتتانعان اكادەميالىق ءانسامبلدىڭ 64 ءارتىسى جانە الەكساندروۆا اتىنداعى انسامبل مۇشەلەرى بولعان.
سونداي-اق، بورتتا اسكەري قىزمەتكەرلەر، سەگىز ەكيپاج مۇشەسى، ب ا ق وكىلدەرى جانە «ادىلەتتى كومەك» قورىنىڭ ديرەكتورى، تانىمال دارىگەر ەليزاۆەت گلينكا دا بولعان. سونىمەن قاتار، ۇشاق ىشىندە «زۆەزدا»، НТВ، «ەۆرازيا 1» تەلەارنالارىنىڭ جۋرناليستەرى بولعان.
ال ۇشاقتى تاجىريبەلى ۇشقىش رومان ۆولكوۆ باسقارعان. ونىڭ جالپى اۋەدەگى ۋاقىتى 3 مىڭ ساعاتتى قۇرايدى ەكەن.
اۋە اپاتى قارا تەڭىز ۇستىندە 25- جەلتوقسان كۇنى بولدى. تۋ-154 ۇشاعى سيرياداعى حمەيميم بازاسىنا اتتانىپ بارا جاتقان. ۇشاقتا نەگىزىنەن انشىلەر مەن ارتىستەر، جۋرناليستەر بولدى.
وسىعان دەيىن الەكساندروۆ ءانسامبلىنىڭ ءسوليسى ۆاديم انانيەۆتىڭ ۇلىنىڭ دۇنيەگە كەلۋىنىڭ ارقاسىندا اۋە اپاتىنان امان قالعانىن حابارلاعان بولاتىنبىز. ۇشاققا مىنبەي اپاتتان قۇتىلعانداردىڭ ىشىندە حالىق ءارتىسى يلسيف كوبزون دا بار.
