08:02, 27 - تامىز 2021 | GMT +6
ەفيوپيادا سەپاراتيستەر 150 بەيبىت تۇرعىندى ءولتىردى
پرەتوريا. قازاقپارات - سوڭعى اپتادا ەفيوپيانىڭ باتىسىندا «ورومونى ازات ەتۋ اسكەرى» سەپاراتيستىك توبىنىڭ سودىرلارى كەم دەگەندە 150 ادامدى ءولتىردى.
بۇل تۋرالى بەيسەنبى كۇنى Reuters اگەنتتىگى ەفيوپيانىڭ ادام قۇقىعى جونىندەگى كوميسسياعا سىلتەمە جاساپ ءمالىم ەتتى، دەپ حابارلايدى قازاقپارات.
كوميسسيانىڭ ايتۋىنشا، سەپاراتيستەردىڭ قارۋلى توبى وروميا شتاتىنىڭ باتىسىنداعى دجيدا كيرەمۋ اۋدانىنىڭ تۇرعىندارىنا شابۋىل جاساعان.
«ورومونى ازات ەتۋ اسكەرى» سەپاراتيستىك توبى ادەتتە وزدىگىمەن ارەكەت ەتەدى. ولاردىڭ ماقساتى - ەفيوپيانىڭ وروميا شتاتىن تاۋەلسىز ەتۋ. فەدەرالدىق بيلىك «ورومونى ازات ەتۋ اسكەرىن» تەرروريستىك ۇيىم دەپ جاريالادى.