08:10, 20 - جەلتوقسان 2016 | GMT +5
بەيجىڭدى قارا ءتۇتىن باسىپ تۇر: 150 دەن استام رەيس توقتاتىلدى
استانا. قازاقپارات - بەيجىڭنىڭ شوۋدۋ حالىقارالىق اۋەجايىندا قويۋ قارا تۇتىننەن ەڭ كەمى 169 رەيس توقتاتىلدى، دەپ حابارلايدى ت ا س س.
اۋەجاي اكىمشىلىگىنىڭ مالىمدەۋىنشە، بارلىق جولاۋشىعا ىستىق تاماقتار بەرىلىپ جاتىر جانە كەستەدەگى وزگەرىستەر تۋرالى دەر كەزىندە حابارلاۋ ۇيىمداستىرىلعان.
قالانى تۇمشالاعان قالىڭ ءتۇتىن - وندىرىستىك كاسىپورىنداردىڭ شىعارعان قالدىعى. اسىرەسە، جىلىتۋ ماۋسىمىندا كومىرمەن جۇمىس ىستەيتىن ەلەكتر ستانسالارى اۋاعا توزاڭدى كوپتەپ بولۋدە.
قازىرگى ۋاقىتتا بەيجىڭدە دەنساۋلىققا قاۋىپتى پ م-2,5 (PM 2,5) ۇساق قاتتى بولشەكتەر ءبىر تەكشە مەترگە 380 ميكروگرامنان اسىپ كەتتى. بۇكىل الەمدىك دەنساۋلىق ساقتاۋ ۇيىمىنىڭ كەلىسىمىنە سايكەس، پ م-2,5 بولشەكتەرىنىڭ اۋاداعى قۇرامىنىڭ كۇندەلىكتى قاۋىپسىز نورماسى ءار تەكشە مەترگە 25 ميكروگرامنان اسپاۋى ءتيىس.
