استانادا ءاليحان بوكەيحانوۆتىڭ 150 جىلدىعىنا ارنالعان مادەني شارا وتەدى
مادەني شارادا ءاليحان بوكەيحانوۆتىڭ ءومىربايانى تانىستىرىلىپ، ونىڭ قايعىلى دا ەڭسەلى تاعدىرى تۋرالى، قازاق حالقىنىڭ مادەنيەتىندە جانە تاريحىندا ونىڭ شىعارماشىلىعىنىڭ ۇلكەن ماڭىزى بار ەكەنىن اتاپ وتىلەدى.
كونسەرت نومىرلەرىنىڭ اراسىندا قازاق وركەسترىنىڭ جانە ەلوردالىق فيلارمونيانىڭ جەكە ورىنداۋشىلارىنىڭ سۇيەمەلدەۋىمەن ءا. بوكەيحانوۆ زامانداستارىنىڭ، ياعني م. دۋلاتوۆتىڭ، ش. قۇدايبەردى ۇلىنىڭ، ا. بايتۇرسىنوۆتىڭ، م. جۇمابايەۆتىڭ جانە ت. ب. «الاش» پارتياسى وكىلدەرىنىڭ دەرەكتى جازبالارى وقىلادى.
كونسەرت باعدارلاماسىنا ق ر ەڭبەك سىڭىرگەن قايراتكەرى ايتقالي جايىموۆ باس ديريجەر جانە كوركەمدىك جەتەكشىلىك ەتەتىن قازاق وركەسترى، «شالقىما» حالىق بي ءانسامبلى ونەر كورسەتەدى.
رەسپۋبليكالىق جانە حالىقارالىق بايقاۋلاردىڭ لاۋرەاتتارى جالعاس سۇلتان، دانيار مۇقان، كۇنسۇلۋ تۇرلىبەكوۆا، تەلمان نۇرتاي، انار مۇزداحانوۆا، ايگەرىم نارتۋەيەۆالار ءان شىرقايدى.
ءا. بوكەيحانوۆ - 20 - عاسىردىڭ باسىنداعى ۇلت- ازاتتىق «الاش» قوزعالىسىنىڭ نەگىزىن قالاۋشىسى جانە كوشباسشىسى. ءا. بوكەيحانوۆتىڭ مەرەيتويى يۋنەسكو اتاۋىمەن بۇكىل الەمدە تويلانادى جانە قازاقستان رەسپۋبليكاسى تاۋەلسىزدىگىنىڭ 25 جىلدىعىمەن سايكەس كەلىپ تۇر.
كورنەكتى قوعام جانە مەملەكەت قايراتكەرى، عالىم، جۋرناليست، ەتنوگراف ءا. بوكەيحانوۆ ءوزىنىڭ جارقىن دا كوپ قىرلى ءومىرىن قازاق حالقىنىڭ ازاتتىعىنا جانە دامۋىنا ارناعان. ول قازاق پەتيتسياسىنىڭ نەگىزگى باستاماشىسى مەن اۆتورى بولدى جانە انا ءتىلىنىڭ ەنگىزىلۋىن، قازاق بالالارى وقيتىن بارلىق باستاۋىش مەكتەپتەردەگى ساۋاتتىلىقتى، گازەتتەردىڭ قازاق تىلىندە باسىلۋىن، ءىس جۇرگىزۋدىڭ قازاق تىلىندە جۇرگىزىلۋىن تالاپ ەتىپ، ورىس پاتشاسىنىڭ اتىنا پوشتا ارقىلى قازاقتاردىڭ بەيبىت ساياسي تالاپتارىنىڭ جىبەرىلۋىن ۇيىمداستىردى.
