الماتىلىق كاسىپكەر تويعا كەلگەن قوناقتاردىڭ ءارقايسىسىنا 150 مىڭ تەڭگەدەن تاراتتى

 استانا. قازاقپارات - قىزىقشىلىعىنا كەمىندە 200 دەن، ءتىپتى 400 - 500-دەن اسا قوناق شاقىراتىندار دا جوق ەمەس. ال تويعا جۇرت ازدى- كوپتى تويلىقسىز بارمايدى. مۇنىڭ ءبارى بەلگىلى جايلار.
None
None

 دەگەنمەن تويدىڭ ءبىز بىلمەيتىن قىزىقتى جاقتارى دا از ەمەس سياقتى. بۇل تۋرالى زامانا گازەتىنىڭ رەداكتسياسىنا حابارلاسقان جاقسىمۇرات ەسىمدى ازامات ايتىپ بەردى.

«مەنىڭ الماتىدا ۇلكەن كاسىپكەر قۇدام بار. توي- جيىنداردا ارالاسىپ تۇرامىز. جۋىردا سول كىسى قىزىن استانالىق ءبىر شەنەۋنىكتىڭ ۇلىنا ۇزاتاتىن بولىپتى دەپ ەستىدىك. تويعا بۇل جاقتان كوپ ادامدى شاقىرماپتى دەگەن ءسوزدى دە قۇلاعىمىز شالىپ ءجۇردى. ءبىراق ءوزى ەشتەڭە ايتقان جوق ەدى. جۋىردا قۇدامىز قالاداعى ءبىر تويحاناعا 200 دەي اعايىن- تۋىس پەن قۇدا- جەكجاتتاردى شاقىرىپ، قۇران وقىتىپ، اس بەردى. مەن جۇمىستارمەن بارا الماي قارىنداسىم قاتىستى. وسى جيىندا ءسوز العان قۇدامىز كوپشىلىكتى استاناداعى تويعا شاقىرا المايتىندىقتارىن ءبىلدىرىپ: «وسىندا باتالارىڭىزدى العاندى دۇرىس كوردىم» ، - دەپتى. مۇنى ەستىگەن بىرەۋلەر تويانا بەرەمىز بە دەپ وتىرعاندا قۇدامىزدىڭ جىگىتتەرى وتىرعان 200 ادامعا ىشىندە 150 مىڭ تەڭگە سالىنعان كونۆەرتتەر تاراتىپ، وتىرعانداردى تاڭقالدىرعان»، - دەيدى جاقسىمۇرات.

150 مىڭ تەڭگە از اقشا ەمەس. ونى 200 ادامعا تاراتقاندا قۇدامىزدىڭ قانشا تەڭگەگە شىعىندانعانىن شامالاۋعا بولادى. ءبىراق ول كىسىنىڭ نەگە بۇلاي جاساعانىن ەشكىم بىلمەيدى.

«بۇعان قالاي تاڭقالماسسىز؟ مەنىڭ تويىما بارا المايسىزدار دەپ كەلگەندەرگە اقشا تاراتقاندى كورۋ بىلاي تۇرسىن، بۇعان دەيىن ەستىمەپپىز دە. ال نەگە بۇلاي جاسادىڭ دەپ ول اقشانى قايتارعان ادام بولماپتى. كەرىسىنشە: «قۇداي بەرگىسى كەلسە تەرەزەدەن دە بەرە سالادى دەگەن راس ەكەن اۋ!» - دەپ ۇيىنە جوندەۋ جاساپ العانداردى دا ەستىپ ءجۇرمىز». قىسقاسى، 200-دەي ادام اسقا قاتىسىپ، قۇدامىزدىڭ ارقاسىندا اقشاعا قارىق بولىپ قالىپتى»، - دەيدى تۇرعىن.

جاقىندا شىمكەنتتىك ازامات مەكتەپ بىتىرۋىنە 25 جىل ارنالعان كەشتى كلاستاستارى ءۇشىن دۋبايدا جاساپ بەرگەن بولاتىن.

Stan.kz 

سوڭعى جاڭالىقتار