قازاقستاندا يمپورت ورنىن باسۋى ءتيىس 150 تاۋار ءتۇرى انىقتالدى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە «اتامەكەن» ۇلتتىق كاسىپكەرلىك پالاتاسىنىڭ باسقارۋشى ديرەكتورى ەۆگەني بولگەرت ءمالىم ەتتى.
«ءبىز ەكونوميكا ءۇشىن بارىنشا ماڭىزدى سالالاردى ايقىندادىق. ولاردىڭ سانى - 10. بۇل مەتاللۋرگيا، ماشينا جاساۋ، حيميا مەن مۇناي حيمياسى، قۇرلىس ماتەريالدارىن ءوندىرۋ، قاپتامالار شىعارۋ، تاماق ونەركاسىبى»، - دەدى ول.
ونىڭ ايتۋىنا قاراعاندا، ۇلتتىق كاسىپكەرلەر پالاتاسى ءىرى ۇلتتىق كومپانيالاردىڭ، جەر قويناۋىن پايدالانۋشىلاردىڭ جانە مەملەكەتتىك ورگانداردىڭ ساتىپ الۋلارىنا تالداما جۇرگىزگەن.
«اتالعان تالدامانىڭ ناتيجەسىنە سايكەس، ءبىز يمپورت كولەمى تاڭداپ الىنعان شەكتى كورسەتكىشتەن جوعارى 150 تاۋار ءتۇرىن ىرىكتەپ الدىق. اتالعان 150 تاۋار ءتۇرى ساتىپ الۋدىڭ جيىنتىق كولەمى 150 ميلليارد تەڭگەدەن اسىپ جىعىلادى. مەنىڭشە، شاعىن جانە ورتا بيزنەس ءۇشىن بۇل كورسەتكىش ونىمدەرىن ساتۋ تۇرعىسىندا وتە تارتىمدى»، - دەدى ە. بولگەرت.
