الماتىدا ءا. بوكەيحانوۆتىڭ 150 جىلدىعىنا ارنالعان وليمپيادانىڭ جەڭىمپازدارى انىقتالدى - فوتو
وعان قىزدار ۋنيۆەرسيتەتىنىڭ «بولاشاق» توبى، ءال-فارابي اتىنداعى قاز ۇ ۋ- دىڭ «الاش وردا» توبى، س. اسفەندياروۆ اتىنداعى قاز ۇ م ۋ- دىڭ «ۇلى دالا» توبى، تۇران ۋنيۆەرسيتەتىنىڭ «تۇران» توبى، الماتى تەحنولوگيالىق ۋنيۆەرسيتەتىنىڭ «ايبىندى الاش ۇرپاعى» توبى جانە الماتى ۋنيۆەرسيتەتىنىڭ «جەرۇيىق» توبى قاتىستى.
داستۇرگە اينالعان شارانى قىزدار ۋنيۆەرسيتەتىنىڭ ءبىرىنشى پرورەكتورى باحودير اليەۆ سالتاناتتى تۇردە اشىپ، قاتىسۋشىلارعا ساتتىلىك تىلەدى.
«وليمپيادانى ۇيىمداستىرۋداعى باستى ماقسات - ستۋدەنتتەردىڭ بويىنا ءوز ەلىنە دەگەن ماقتانىش پەن پاتريوتتىق سەزىمدى ۇيالاتۋ. ءاليحان بوكەيحان ۇلىنىڭ تۇلعاسى مەن الاش قوزعالىسىن ايشىقتاي وتىرىپ، تاۋەلسىزدىگىمىزدىڭ 25 جىلدىق تاريحىنىڭ ماڭىزدىلىعىن ءتۇسىندىرۋ جانە جاستاردى ۇلتجاندى ازامات بولۋعا تاربيەلەۋ»، - دەدى ب. اليەۆ.
ستۋدەنتتەر ينتەللەكتۋالدى وليمپيادادا بەس باعىت: «تانىستىرۋ»، «ۇياشىقتار قۇپياسى»، «بەينە سۇراق»، «التىن قاقپا» جانە «وي تولعاۋ» ارقىلى بىلىمدەرىن ساراپقا سالدى.
«ءبىرىنشى سايىستا وزدەرىن تانىستىرىپ وتكەن كوماندالار، ەكىنشى كەزەڭدە «مەملەكەتتىك باسقارۋ»، «قازىرگى الەمدەگى قازاقستان»، «الاش قوزعالىسى»، «كەمەڭگەر تۇلعالاردىڭ ءومىرى مەن قىزمەتى» دەگەن تاقىرىپتارعا ارنالعان سۇراقتار بويىنشا باق سىناستى.
«بەينە سۇراق» دەپ اتالاتىن ءۇشىنشى كەزەڭدە الاش قايراتكەرلەرىنىڭ قوعامدىق- ساياسي قىزمەتى، الاش پارتياسى مەن الاش وردا ۇكىمەتىنىڭ قۇرىلۋ تاريحى، ەل رامىزدەرى مەن قازاق تاريحىنا بايلانىستى بەينەساۋالدارعا جاۋاپ بەردى.
«التىن قاقپا» سايىسىندا پرەزيدەنت، ۇكىمەت، اۆتونوميا، دەموكراتيا، قۇقىق، ۇلت، مادەنيەت جانە تاعى باسقا دا سوزدەردىڭ ءمان- ماعىناسىن قازاق جانە اعىلشىن تىلدەرىندە ءتۇسىندىرىپ سىنعا تۇسسە، «وي تولعاۋ» سايىسىندا جاشىكتە جاسىرىنعان زاتتاردى تاپتى. سۇراقتاردىڭ دەنى الاش قايراتكەرلەرىنىڭ قوعامدىق- ساياسي قىزمەتى مەن تاۋەلسىزدىگىمىزدىڭ 25 جىلدىق تاريحىنا ارنالدى، - دەپ حابارلايدى قىزدار ۋنيۆەرسيتەتىنىڭ باسپا ءسوز قىزمەتى.
قاتىسۋشىلاردىڭ بىلىمدەرى مەن بىلىكتىلىكتەرىنە ش. ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ ورىنباسارى، تاريح عىلىمدارىنىڭ دوكتورى سۆەتلانا سماعۇلوۆا، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى، تاريح عىلىمدارىنىڭ دوكتورى ءادىلحان قۇدايبەرگەنوۆ جانە ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ PhD دوكتورانتى رىسبەك وماربايەۆ قازىلىق ەتتى.
سونىمەن، وليمپيادا قورىتىندىسى بويىنشا 1- ورىندى تۇران ۋنيۆەرسيتەتىنىڭ «تۇران» توبى جەڭىپ الدى. ەكىنشى ورىنعا ءال-فارابي اتىنداعى قازاق ۇلتتىق ۋنيۆەرسيتەتىنىڭ «الاش وردا» توبى يە بولدى. ال س. اسفەندياروۆ اتىنداعى قاز ۇ م ۋ- دىڭ «ۇلى دالا» توبى مەن قىزدار ۋنيۆەرسيتەتىنىڭ «بولاشاق» توبى ءۇشىنشى ورىندى ءوزارا ءبولىستى.
جەڭىمپازداردىڭ بارلىعى ديپلومدار جانە ارنايى سىيلىقتارمەن ماراپاتتالدى. ال، توپتاردى دايىنداعىن جەتەكشىلەرگە العىس حاتتار تابىس ەتىلدى.
ايتا كەتەلىك، بيىل الاش قوزعالىسىنىڭ جەتەكشىسى، قوعام قايراتكەرى، كوسەمسوزشى ءاليحان بوكەيحانوۆتىڭ تۋعانىنا 150 جىل تولىپ وتىر.
بۇكىلالەمدىك دارا تۇلعا رەتىندە تانىلعان الاش قايراتكەرىنىڭ مەرەيتويى يۋنەسكو كولەمىندە، ياعني بۇكىل الەم بويىنشا تويلاناتىن بولادى.
بۇل تۋرالى يۋنەسكو- نىڭ 2015 -جىلى 18 -قاراشادا پاريجدە اياقتالعان باس كونفەرەنتسياسىنىڭ 38- سەسسياسىندا جاريا ەتىلگەنىن ەستەرىڭىزگە سالامىز.
اۆتور: ايبوتا جاپپاربەرگەن
