ا ق ش- تا تۇماۋ ءورشىپ تۇر: 15 ميلليون ادام اۋىرىپ، 8 مىڭنان استامى كوز جۇمعان

نۇر- سۇلتان. قازاقپارات - الەم پنيەۆمونيانىڭ جاڭا ءتۇرىنىڭ تارالۋىنان دۇرلىگىپ جاتسا، ا ق ش حالقى ەلدەگى تۇماۋدىڭ جوعارى قارقىن الۋىنا الاڭداۋلى، دەپ حابارلايدى قازاقپارات CNN گە سىلتەمە جاساپ.

2019-2020 -جىلدارداعى ماۋسىمدا وسى اۋرۋدان ەلدە 8200 ادام قايتىس بولعان. ولاردىڭ اراسىندا 54 بالا بار.

بيىلعى ماۋسىمدا 15 ميلليون ادام وسى دەرتكە شالدىققان. ا ق ش- تىڭ اۋرۋلاردى باقىلاۋ جانە الدىن الۋ ورتالىقتارى (CDC) تۇماۋدىڭ قارقىندىلىعى سوڭعى 11 اپتا ىشىندە ارتىپ كەلە جاتقانىن جانە بۇنىڭ ءالى دە ساقتالاتىنىن حابارلادى.

ورتالىقتىڭ مالىمەتىنشە، ا ق ش- تا تۇماۋدان جانە ونىڭ اسقىنۋىنان جىل سايىن كەمىندە 12 مىڭ ادام كوز جۇمادى، ال 2017-2018 -جىلدارداعى ماۋسىمدا 61 مىڭ ادام قايتىس بولعان، 45 ميلليون ادام اۋىرعان.