قازاقتىڭ 15 جاسار قىزى 150 مىڭ دوللاردىڭ سەرتيفيكاتىن جەڭىپ الدى
ىرعىزدىق ون ءبىرىنشى سىنىپ وقۋشىسى ءۇش جىلدىڭ ىشىندە تۇرىك ءتىلىن ۇيرەنىپ، حالىقارالىق كونكۋرستا اقىن قادىر مىرزاليەۆتىڭ شىعارماشىلىعى تۋرالى جوبانى قورعادى.
«دياپازون» گازەتىنىڭ مالىمەتىنشە، وقۋشى قىز شىعىس ادەبيەتىن ءسۇيىپ وقيدى، تۇرىك ءتىلىن تەلەحيكايالاردىڭ ارقاسىندا ۇيرەنىپ العان. ول تۇرىك سەريالدارىن ءتۇپ نۇسقادا كورىپ، اۋدارىپ ماشىقتانعان ەكەن.
مەكتەپ وقۋشىسى قازاق ءتىلى مەن ادەبيەتىنەن بارلىق وليمپيادالار مەن كونكۋرستارعا قاتىسىپ ءجۇر، ينتەرنەت ارقىلى حالىقارالىق جوبالاردا دا باعىن سىناپ كورۋگە بەل بۋىپتى.
«اتا-انام ينتەرنەتتە كوپ وتىرۋىما قارسى بولدى. الايدا تاياۋدا وسى جەردەن حالىقارالىق جوبالار تۋرالى وقىپ-ءبىلدىم، ءسويتىپ وعان قاتىسۋعا شەشىم قابىلدادىم، - دەيدى ءمولدىر.
- قاتىسۋشىلار اراسىندا الەمنىڭ 50 ەلىنىڭ وقۋشىلارى بولدى. گران-پري الامىن دەپ ويلاعان جوقپىن، ويتكەنى قارسىلاستارىم وتە مىقتى ەدى، دەگەنمەن مەن ۇزدىك شىقتىم. جەڭىسكە جەتتىڭ دەگەندە، سەنگەن جوقپىن. مەنى ۇ ب ت- دان بوساتتى».
جەڭىمپازعا باس جۇلدە رەتىندە 150 مىڭ دوللاردىڭ سەرتيفيكاتى بەرىلدى، ول اۋىل وقۋشىسىنا تۇركيانىڭ كەز كەلگەن وقۋ ورنىندا ءبىلىم الۋعا مۇمكىندىك بەرەدى. سونىمەن قاتار ءمولدىر پاريجگە جولداما جەڭىپ الدى. سىنىپ جەتەكشىسى مەن مەكتەپ ديرەكتورىنا دا تايلاند پەن دۋبايعا جولداما تابىستالىپتى.
«سەرتيفيكاتتى الدىق، الايدا قىزىم ءالى قايدا وقيتىنىن شەشكەن جوق»، - دەيدى ءمولدىردىڭ اكەسى.
ىرعىز مەكتەپ-گيمنازياسىنىڭ مۇعالىمدەرى ءمولدىر كوپ بالالى وتباسىنان شىققانىن حابارلادى، جۇبايەۆتاردىڭ وتباسىندا بەس بالا تاربيەلەنۋدە. قىزدىڭ اناسى - باستاۋىش سىنىپ وقۋشىسى، اكەسى زەينەتتە، ول دا ءبىلىم سالاسىندا ەڭبەك ەتكەن.
ءمولدىر جۇبايەۆا جۋرناليست ماماندىعىن الىپ، ءوزىنىڭ تەلەارناسىن اشۋدى ارماندايدى. سونداي-اق ول بەلگىلى قازاق جازۋشىلارىنىڭ كىتاپتارىن تۇرىك تىلىنە اۋدارعىسى كەلەدى.
