جەكسەنبىدە 14 وڭىردە كۇن بۇزىلادى - قازگيدرومەت

استانا. قازاقپارات - قازگيدرومەت ماماندارى 28- مامىر، جەكسەنبىدە اۋا رايىنىڭ بۇزىلۋىنا بايلانىستى ءبىرقاتار وڭىردە ەسكەرتۋ جاريالادى، دەپ حابارلايدى قازاقپارات.

جەتىسۋ وبلىسىنىڭ تاۋلى اۋداندارىندا نايزاعاي جارقىلدايدى. سولتۇستىك-شىعىستان جەل سوعادى، الاكول ماڭىندا ەكپىنى - 15-20، كۇندىز - 23-28 م/س.

باتىس قازاقستان وبلىسىنىڭ باتىسىندا، سولتۇستىك-باتىسىندا كۇن كۇركىرەيدى. وڭتۇستىك-شىعىستان جەل سوعادى، كۇندىز جەل قارقىنى وبلىستىڭ كوپ بولىگىندە 15-20 م/س جەتەدى.

قىزىلوردا وبلىسىنىڭ ورتالىعىندا، شىعىسىندا توتەنشە ءورت قاۋپى ساقتالادى.

ۇلىتاۋ وبلىسىنىڭ وڭتۇستىگىندە سولتۇستىك-شىعىستان جەل سوعادى، كۇندىز ەكپىنى - 15-20 م/س. 28-29- مامىردا وبلىستىڭ ورتالىعىندا توتەنشە ءورت قاۋپى ساقتالادى.

قاراعاندى وبلىسىنىڭ وڭتۇستىگىندە سولتۇستىك- شىعىستان جەل سوعادى، قارقىنى 15-20 م/س دەيىن كۇشەيەدى. 28-29- مامىردا وبلىستىڭ وڭتۇستىك-شىعىسىندا توتەنشە ءورت قاۋپى ساقتالادى.

قوستاناي وبلىسىنىڭ باسىم بولىگىندە جوعارى ءورت قاۋپى ساقتالادى.

كۇندىز اباي وبلىسىنىڭ سولتۇستىگىندە، ورتالىعىندا سولتۇستىك-باتىستان، سولتۇستىكتەن جەل سوعادى، كۇشى - 15-20 م/س. اباي وبلىسىنىڭ سولتۇستىگىندە توتەنشە ءورت قاۋپى ساقتالادى.

ماڭعىستاۋ وبلىسىنىڭ وڭتۇستىگىندە، سولتۇستىگىندە، شىعىسىندا شاڭدى داۋىل تۇرادى. شىعىستان، وڭتۇستىك-شىعىستان جەل سوعادى، وبلىستىڭ وڭتۇستىگىندە، سولتۇستىگىندە، شىعىسىندا جەل جىلدامدىعى 15-20 م/س جەتەدى.

كۇندىز پاۆلودار وبلىسىنىڭ وڭتۇستىك-شىعىسىندا سولتۇستىكتەن جەل سوعادى، ەكپىنى - 18 م/س. وبلىسىنىڭ باسىم بولىگىندە توتەنشە ءورت قاۋپى ساقتالادى.

سولتۇستىك قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە - نايزاعاي، كۇندىز بۇرشاق جاۋادى. وڭتۇستىكتەن جەل سوعادى، كۇندىز وبلىستىڭ سولتۇستىگىندە، وڭتۇستىگىندە جەل ەكپىنى 15-20 م/س جەتەدى.

الماتى وبلىسىنىڭ وڭتۇستىگىندە، تاۋلى اۋدانداردا نايزاعاي جارقىلدايدى. نايزاعاي كەزىندە سولتۇستىك-شىعىس جەلىنىڭ ەكپىنى 15-20 م/س بولادى.

الماتى قالاسىندا كەي ۋاقىتتا كۇن كۇركىرەيدى، نايزاعاي كەزىندە جەل ەكپىنى - 15 م/س.

28- مامىر تاڭەرتەڭ جانە كۇندىز اقمولا وبلىسىنىڭ سولتۇستىگىندە، ورتالىعىندا نايزاعاي جارقىلدايدى. شىعىستان، وڭتۇستىك-شىعىستان جەل سوعادى، كۇندىز وبلىستىڭ سولتۇستىگىندە جەل قارقىنى - 15-20 م/س. تۇندە وبلىستىڭ شىعىسىندا توپىراق بەتىندە 1 گرادۋس ۇسىك جۇرەدى.

كۇندىز تۇركىستان وبلىسىنىڭ تاۋلى اۋداندارىندا شىعىستان جەل سوعادى، كۇشى - 15-20 م/س جەتەدى.