تۇركيادا ءزىلزالادان كوز جۇمعاندار سانى 14 مىڭنان استى
بۇل تۋرالى تۇركيا پرەزيدەنتى رەجەپ تايپ ەردوعان گازيانتەپ قالاسىندا ايتتى.
«جەر سىلكىنىسىنەن كەيىن ءبىز مەملەكەت رەتىندە بارلىق ينستيتۋتتارىمىزبەن بىرگە وقيعا ورنىنا كەلدىك. ءبىزدىڭ ماقساتىمىز - 1 جىل ىشىندە قيراعان عيماراتتاردىڭ ورنىنا 2-3-4 قاباتتى ۇيلەر سالۋ. وكىنىشكە وراي، پروتسەستى ساياسي پايداعا اينالدىراتىندار بار. مەنىڭ ازاماتىم، مەنىڭ حالقىم بۇل قورلاۋعا ەشقاشان ەرمەيدى. ءبىر جاعىنان بىزدە كونتەينەرلىك جۇمىستار بار، ەكىنشى جاعىنان شەتەلدەن كەلەتىن كونتەينەرلەر بار»، - دەدى تۇركيا پرەزيدەنتى.
سونىمەن بىرگە، بۇگىن تۇركيا پارلامەنتىندە داۋىس بەرۋ ارقىلى توتەنشە جاعداي كۇشىنە ەنەدى.
«بۇل مەملەكەتكە تۇركيادا پروتسەستى پايدالانعىسى كەلەتىن جانە ساۋداداعى سىبايلاس جەمقورلىققا اكەلەتىن بارلىق ءوسىمقورلار مەن ارانداتۋشى توپتارعا قارسى كۇرەسۋگە مۇمكىندىك بەرەدى»، - دەدى ر. ت. ەردوعان.