شاردارا تۇرعىنى تانىسىنىڭ اتىنان 14 ميلليون تەڭگە نەسيە العان
شاردارا اۋداندىق پوليتسيا بولىمىنە الاياقتىڭ قۇربانى بولعان جەرگىلىكتى تۇرعىن ارىزداندى. ونىڭ ايتۋىنشا، الىس تانىسى بانك قوسىمشاسى ارقىلى وزىنە اقشا اۋدارىپ الامىن دەپ الداپ، 14 ميلليون تەڭگەگە اتىنان نەسيە راسىمدەگەن. پوليتسيا قىزمەتكەرلەرى اتالعان جايتتى ق ر ق ك 190-بابى بويىنشا تىركەدى. وسىنداي جولمەن تۇرعىندى الداپ، ءوزىنىڭ قۇرىعىنا تۇسىرگەن الاياق ادامدى ۇستاۋ ءۇشىن تاجىريبەلى ءتارتىپ ساقشىلارىنان جەدەل-تەرگەۋ توبى قۇرىلدى.
جەدەل-پروفيلاكتيكالىق ءىس-شارالار بارىسىندا، اقپارات كوزدەرى ارقىلى 2 تاۋلىك ىشىندە كۇدىكتى ۇستالدى. ءتارتىپ ساقشىلارى الاياقتى ءوزىنىڭ تۇرعىلىقتى ۇيىنەن تاۋىپ، پوليتسياعا جەتكىزدى. پوليتسەيلەر كۇدىكتى دەپ تانىلعان جەرگىلىكتى تۇرعىننىڭ ءىرى كولەمدەگى اقشانى قۇمار ويىنعا جۇمساپ جىبەرگەنىن انىقتادى. قازىرگى تاڭدا اتالعان جايتقا بايلانىستى تەرگەۋ امالدارى جۇرگىزىلۋدە. كۇدىكتى ازاماتتىڭ باس شاراسى قولحاتتا. ءوز كەزەگىندە تۇركىستان وبلىسىنىڭ پوليتسەيلەرى ازاماتتارعا الاياقتاردىڭ ايلاسىنا الدانباي، بارىنشا اباي بولۋدى ەسكەرتەدى. اقشاڭىزدى، بانك كارتىشكەڭىزدىڭ قۇپيا ساندارىن ەشكىمگە ايتپاۋعا جانە بەرمەۋگە كەڭەس بەرەدى.