قازاقستان 14 ەلمەن اۋە قاتىناسىن قايتا جانداندىردى
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«بۇگىنگى كۇنى 14 ەلمەن اۋە قاتىناسى قالىپقا كەلتىرىلىپ، رەيستەر سانى اپتاسىنا 95 كە دەيىن كوبەيتىلدى. ەڭ كوپ جولاۋشىلار سانى نۇر-سۇلتان جانە الماتى قالالارىنا كەلەدى، 6-قازاننان باستاپ 1 ميلليوننان استام ادام مەملەكەتتىك شەكارادان ءوتتى. 203 مىڭ ادام پ ت ر- تەستەن ءوتىپ، 1042 ناۋقاس انىقتالدى»، - دەيدى ق ر دەنساۋلىق ساقتاۋ ءمينيسترى الەكسەي سوي. ونىڭ ايتۋىنشا، ەلىمىزدە قىركۇيەك پەن قاڭتار ارالىعىندا ك ۆ ي-دى گەنومدىق زەرتتەۋ ناتيجەلەرى بويىنشا كوروناۆيرۋستىڭ جاڭا شتامدارى («بريتاندىق»، «وڭتۇستىك افريكا»، «برازيليالىق») انىقتالمادى.
«قازىرگى ۋاقىتتا اقپان- ناۋرىز ايلارىندا پ ت ر-تەستىڭ وڭ ناتيجەلەرىنە گەنەتيكالىق زەرتتەۋ جۇرگىزىلىپ جاتىر. ونىڭ مۋتاتسياعا ۇشىراعان- ۇشىراماعانى انىقتالادى»، - دەيدى ول.