ماسكەۋدە قىتايدىڭ 14 ازاماتى دەنساۋلىق جاعدايىنا شاعىمداندى
«قىتايدىڭ 14 ازاماتى قوناقۇيگە جەدەل جاردەم شاقىرتقان. ولار دارىگەرلەرگە دەنساۋلىق جاعدايىنا شاعىمدانعان جانە شاعىمدانۋشىلاردىڭ باسىم بولىگىنىڭ دەنە قىزۋى جوعارى بولعان»، - دەدى اگەنتتىك دەرەككوزى.
الدىن الا دەرەك بويىنشا، قوناقتارعا جرۆي دەگەن دياگنوز قويىلعان.
ونىڭ ايتۋىنشا، قىتايلىقتار ماسكەۋگە تۋريست رەتىندە كەلگەن. قازىرگى ۋاقىتتا ول جەردە جەدەل جاردەم بريگاداسى جۇمىس ىستەپ جاتىر.
ماسكەۋ دەنساۋلىق ساقتاۋ دەپارتامەنتى تۋريستەردىڭ دەنە قىزۋى تۋرالى اقپاراتتى جوققا شىعاردى.
«كوروناۆيرۋس جاعدايىن باقىلاۋ جانە قاداعالاۋ جونىندەگى جەدەل شتاب جەدەل مەديتسينالىق كومەك بريگاداسىنىڭ Four Seasons قوناقۇيىندەگى 14 ادامنان قۇرالعان قىتايلىق تۋريستەر توبىنا بارعانىن حابارلايدى. دارىگەرلەر سول جەردە بارلىق تۋريستەردى تەكسەردى، سەگىز ادامنىڭ دەنە قىزۋى شىققان دەگەن اقپارات شىندىققا سايكەس كەلمەيدى. تەك ءبىر ناۋقاستا جەڭىل جرۆي بەلگىلەرى بولعان. تەكسەرىلگەن بارلىق ازاماتتاردىڭ جاعدايى قاناعاتتانارلىق. وسىعان بايلانىستى ولاردى اۋرۋحاناعا الىپ كەتۋگە ەشقانداي سەبەپ جوق»، - دەپ حابارلادى ۆەدومستۆودان.
